ახალი ამბები
ბაღში შესვლა ფასიანი უნდა იყოს - ზუგდიდის ბოტანიკურის ახალი დირექტორი
არა, სხვა ხედვა ნამდვილად არ მაქვს, - ასე უპასუხა ა(ა)იპ "ზუგდიდის ბოტანიკური ბაღის" ახლად დანიშნულმა ხელმძღვანელმა რადიო "ათინათის" კითხვას ბაღში შესვლაზე დაწესებულ გადასახადთან დაკავშირებით. შალვა აგუმავა მიიჩნევს, რომ მხოლოდ ამ გზით არის შესაძლებელი ბაღის იერსახისა და არსებული ინფრასტრუქტურის შენარჩუნება. ამასთან, მისივე თქმით, ააიპ-ს უნდა შეუნარჩუნდეს საბიუჯეტო დაფინანსებაც.

"ზუგდიდის ბოტანიკური ბაღი არის ჩვენი ქალაქის სიამაყე და ზრუნვის საგანი, არ შეიძლება ვითხოვდეთ ყველაფერი იყოს მოწესრიგებული, კოხტა და ლამაზი, აქ მომუშავე ხალხს კი არ ჰქონდეს შესაბამისი ანაზღაურება, ბაღს არ გააჩნდეს ის მიზერული შემოსავლები, რაც გამოადგება მის მოვლასა და განვითარებას. პენსიონერები უფასოდ შემოდიან, ისევე როგორც 10 წლამდე ბავშვები, შშმ პირები, სოციალურად დაუცველი პირები და ვეტერანები. ერთადერთი რჩება დასაქმებული ხალხი, რომელსაც შემოსავალი აქვს და ტარიფიც მორგებულია. თუ გვინდა გვქონდეს ზუგდიდის ბოტანიკური ბაღი, უნდა შეუნარჩუნდეს დაფინანსებაც, ან იყოს 10 წლის წინ რომ იყო, ეკალ-ბარდებში გახვეული", - გვითხრა მან. 

კითხვაზე, ხომ არ უკავშირდება მისი თანამდებობაზე დანიშვნა მერთან, მამუკა წოწერიასთან მეგობრობას, შალვა აგუმავა გვპასუხობს, რომ არჩევანი მისი გამოცდილების გათვალისწინებით გაკეთდა. 

"ზუგდიდში ბევრთან ვმეგობრობ, ნახევარ ზუგდიდს ვიცნობ და ვემეგობრები. თანამდებობაზე ვერ დაინიშნება ადამიანი თუ არ იცნობენ მას, ხომ? ალბათ გამოცდილებით შემარჩიეს, მხოლოდ ამ დამოკიდებულებით", - ამბობს ააიპ-ის ახალი ხელმძღვანელი. 

ბოტანიკურის ადმინისტრაციის გადაწყვეტილებით ბაღში შესვლა 1-ლი თებერვლიდან ფასიანი გახდა. დაწესდა სააბონემენტო სისტემა და შეღავათებით მხოლოდ გარკვეული კატეგორიის პირები სარგებლობენ. ზუგდიდელების ნაწილი აღნიშნულ ფაქტს აპროტესტებს. ადგილობრივებმა რამდენჯერმე გამართეს აქცია.

ბაღში დაწესებული გადასახადის გაუქმების მოთხოვნით პეტიციაც შეიქმნა, თუმცა მერიამ მოქალაქეების მოთხოვნა არ გაითვალისწინა. 

ზუგდიდის მუნიციპალიტეტის 2022 წლის ბიუჯეტში ა(ა)იპ "ბოტანიკური ბაღების მართვის ცენტრისთვის" 850 ათასი ლარია გათვალისწინებული. თანხა თითქმის სრულად იხარჯება ბაღის ადმინისტრაციისა და თანამშრომლების ხელფასზე.


ამავე თემაზე: 

"ბოტანიკური ბაღების მართვის ცენტრს" შალვა აგუმავა უხელმძღვანელებს

ზვიად ქარჩავამ "ბოტანიკური ბაღების მართვის ცენტრის" დირექტორის თანამდებობა დატოვა

ზუგდიდის მერიის წინ ბანერი "გააღე ბოტანიკურის ჭიშკარი!" გამოფინეს

ზუგდიდის საკრებულომ მერიას ბოტანიკურში შესვლაზე საფასურის გაუქმების განხილვის რეკომენდაცია მისცა

უნდა იყოს თუ არა ფასიანი ზუგდიდის ბოტანიკურ ბაღში შესვლა - მოქალაქეების აზრი

ზუგდიდში ხელმოწერების შეგროვება დაიწყო პეტიციაზე, ბოტანიკურში უფასო შესვლის მოთხოვნით

გააღე ბოტანიკურის ჭიშკარი - ბანერი ზუგდიდის ცენტრში

ბოტანიკურში შესვლაზე დაწესებული ფასი კიდევ ერთხელ გააპროტესტეს ზუგდიდში

„ხელოვნება ბოტანიკური ბაღისთვის" - პროტესტი ზუგდიდში

"ბოტანიკური გვეკუთვნის ხალხს" - აქცია ზუგდიდში (ვიდეო)

რატომ დაწესდა ზუგდიდის ბოტანიკურში შესვლაზე ფასი და რას ითხოვენ მოქალაქეები

ზუგდიდის ბოტანიკურ ბაღში შესვლა ფასიანი 1-ლი თებერვლიდან გახდება


Print Email
FaceBook Twitter
დაფინანსებული
ევროპის რეკონსტრუქციის და განვითარების ბანკმა ზუგდიდის მერიასთან ერთად, ქალების ავტობუსის მძღოლებად მომზადების ახალი პროგრამა
დღეს "ზუგდიდის დამოუკიდებელი ცხოვრების ცენტრი"-ს ოფისში, პროექტის ,,ზუგდიდის მუნიციპალიტეტში შეზღუდული შესაძლებლობის მქონე პირთა თემის საჭიროებებზე მორგებული პროგრამების გაუმჯობესება" ფარგლებში, მეორე
დაბალი ფასის, გამძლეობისა და მარტივად დამონტაჟების გამო, პოლიეთილენის მილები ბაზარზე სულ უფრო პოპულარული ხდება და სხვა მასალებს ანაცვლებს.
დღის სიახლეები
22 / მაისი 2024
23 - летняя Марика Джалагония изучает архитектуру и урбанную регенерацию в университете Сапиенца, в Риме. После окончания бакалавриата она решила углубить свои знания, пройдя годичную стажировку в Грузии, после чего задумалась о необходимости получения международного опыта.
22 / მაისი 2024
მომავალ კვირაში ზუგდიდის საკრებულო ოპოზიციონერი თავმჯდომარის, მოადგილეებისა და თანამდებობის პირების გადაყენებას განიხილავს; ეკატერინე ბებია უვადო მოსამართლედ გაამწესეს - სასამართლოს გუშაგი; აფხაზეთში აბონენტების ჯერ მხოლოდ 10% - ია გამრიცხველიანებული - „ჩერნომორენერგო“,- ამ და სხვა ამბებს მოისმენთ მთავარ გამოშვებაში.
22 / მაისი 2024
2024 წლის 21 მაისს იუსტიციის უმაღლესმა საბჭომ უვადოდ დანიშნა 21 მოსამართლე, მათ შორისაა ზუგდიდის რაიონული და ფოთის საქალაქო სასამართლოს მოსამართლეები ეკატერინე ბებია და გიორგი თუნაური.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 15 °C
img
სოხუმი 15 °C
img
ფოთი 17 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.