ახალი ამბები
არძინბა თვლის, რომ აშშ საქართველოზე ზეწოლას ახორციელებს "მეორე ფრონტის" გასახსნელად
აფხაზეთის დე ფაქტო რესპუბლიკის საგარეო საქმეთა მინისტრის ინალ არძინბას განცახდებით, ამერიკის შეერთებული შტატები საქართველოზე ზეწოლას ახორციელებს "მეორე ფრონტის" გასახსნელად. ამის შესახებ მან 22 სექტემბერს "სპუტნიკ აბხაზიას" პლატფორმაზე ისაუბრა. გარდა ამისა, ის ამტკიცებს, რომ ამ პროცესში აქტიურად არიან ჩართული აშშ-ს საელჩო თბილისში და აშშ-ის საერთაშორისო განვითარების სააგენტო USAID.

თავის ვიდეომიმართვაში არძინბა ასევე საუბრობს დასავლური ფონდების ფარულ ზრახვებზე, ახსენებს "ბერგჰოფის ფონდს" და ამბობს, რომ ისინი, როგორც წესი, ჰუმანიტარული პროექტებით იწყებენ საქმიანობას და ხელს უწყობენ სახელმწიფო გადატრიალებებს. მან ახსენა ჯონ პენელი, რომელიც აგვისტოში დაინიშნა USAID-ის მისიის ხელმძღვანელად სამხრეთ კავკასიაში და აღნიშნა, რომ მანამდე ის უკრაინასა და ლიბიაში მუშაობდა.

"მან საქართველოში აშშ-ის საელჩოსთან ერთად უკვე დაიწყო ზეწოლა საქართველოს ხელისუფლებაზე, რათა მათ მორიგი სამხედრო ავანტიურა გაატარონ აფხაზეთისა და სამხრეთ ოსეთის წინააღმდეგ - ე.წ. მეორე ფრონტი. ამასთან, ამის პარალელურად, პენელის დანიშვნის შემდეგ გააქტიურდა მუშაობა საქართველოს მთავრობის 2010 წლის სახელმწიფო სტრატეგიის, "ჩართულობა თანამშრომლობის გზით", განხორციელებაზე", - თქვა არძინბამ.

არძინბას მტკიცებით, დასავლური სტრუქტურები ყველა ქვეყანაში ერთი პრინციპით მუშაობენ, ყველაფერი ჰუმანიტარული ქმედებებით იწყება და სახელმწიფო გადატრიალებით მთავრდება.

მან აფხაზეთის მოსახლეობას მოუწოდა, არ შევიდნენ "ბერგჰოფის ფონდის" თანამშრომლებთან დიალოგში და არ მიიღონ მონაწილეობა მათ მიერ ორგანიზებულ სამშვიდობო შეხვედრებსა და დისკუსიებში.

მან დასძინა, რომ "ბერგჰოფის ფონდს" აფხაზეთში მუშაობის სამართლებრივი საფუძველი არ აქვს და მის მიერ ორგანიზებული შეხვედრები "უკონტროლოდ და აფხაზეთის ხელისუფლებასთან კოორდინაციის გარეშე მიმდინარეობს".

ე.წ. მინისტრის თქმით, ფონდის დამფუძნებლები, გერმანიის საგარეო საქმეთა სამინისტრო, მსოფლიო ბანკი და სხვა სტრუქტურები აქტიურად ატარებენ იზოლაციონისტურ პოლიტიკას აფხაზეთთან მიმართებაში.

არძინბამ საქართველოსთან ომის შესაძლებლობებზე 16 სექტემბერსაც განაცხადა. მისი თქმით, "რეგიონში ვითარება ფეთქებადია და საქართველოსთან ომის ალბათობა საკმაოდ მაღალია".

მან სოხუმში, "საგარეო უწყებაში" გამართულ შეხვედრაზე ახსენა საქართველოს ხელისუფლების მხრივ გაკეთებული განცხადებები, ასევე "დამრტყმელი და სადაზვერვო საფრენი აპარატების მიწოდებაზე მზარდი კონტრაქტები, ნატოსთან მიმდინარე კონსულტაციები და დაზვერვის აქტიური მუშაობა", რაც მისი თქმით, სოხუმში საფრთხედ აღიქმება.

მიმდინარე წლის მაისში ინალ არძინბამ დახურა საერთაშორისო ორგანიზაცია "მოძრაობა შიმშილის წინააღმდეგ" პროექტი, რომელიც უკავშირდება ადგილობრივი მმართველობის გაუმჯობესებას ინკლუზიური განვითარების გზით.

კერძოდ, არძინბამ თქვა, რომ მათთვის მიუღებელია ის პროექტები, რომლებიც აფხაზებისა და ქართველების პირდაპირ დიალოგს უწყობს ხელს, მათ შორის, ექსპერტებისა და ახალგაზრდობის ჩართულობით.

ცოტა ხნის წინ, 13 სექტემბერს სოხუმმა აფხაზეთში FAO – ს პროექტი დახურა და საფრანგეთის მოქალაქე ტიფენ ლუკასი, რომელიც ორგანიზაციის ერთ - ერთ პროგრამას ხელმძღვანელობდა, პერსონა ნონ გრატად გამოაცხადა "სადაზვერვო ინფორმაციის შეგროვების" ბრალდებით.

ინალ არძინბა აფხაზეთის დე ფაქტო რესპუბლიკის საგარეო საქმეთა მინისტრად 2021 წლის ნოემბერში დაინიშნა.

არძინბა რუსეთის პრეზიდენტის ადმინისტრაციის თანამშრომელი იყო, 2014-2018 წლებში ის "დსთ-ს ქვეყნებთან, აფხაზეთთან და სამხრეთ ოსეთთან სოციალურ-ეკონომიკური თანამშრომლობის დეპარტამენტში" მუშაობდა, სადაც უკრაინის განყოფილებას, დონეცკისა და ლუგანსკის თვითგამოცხადებულ რესპუბლიკებთან ურთიერთობას კურირებდა.

ხელმძღვანელობდა რუსეთის პატრიარქ კირილესთან არსებულ ახალგაზრდულ საქმეთა საზოგადოებრივ საბჭოს.

მანამდე, 2014-2018 წლებში არძინბა რუსეთის პრეზიდენტის ადმინისტრაციის თანამშრომელი იყო, ის "დსთ-ს ქვეყნებთან, აფხაზეთთან და სამხრეთ ოსეთთან სოციალურ-ეკონომიკური თანამშრომლობის დეპარტამენტში" მუშაობდა, სადაც უკრაინის განყოფილებას, დონეცკისა და ლუგანსკის თვითგამოცხადებულ რესპუბლიკებთან ურთიერთობას კურირებდა.

ხელმძღვანელობდა რუსეთის პატრიარქ კირილესთან არსებულ ახალგაზრდულ საქმეთა საზოგადოებრივ საბჭოს.

უკრაინაში მას ადანაშაულებენ განსაკუთრებით მძიმე დანაშაულებში — უკრაინის სახელმწიფო საზღვრების შეცვლის მცდელობასა და ქვეყნის კონსტიტუციური წესრიგის დარღვევაში. უკრაინამ არძინბას საერთაშორისო ძებნა გამოაცხადა.

2015 წელს ის უკრაინის მტრების სიაშიც მოხვდა.



Print Email
FaceBook Twitter
დაფინანსებული
ევროპის რეკონსტრუქციის და განვითარების ბანკმა ზუგდიდის მერიასთან ერთად, ქალების ავტობუსის მძღოლებად მომზადების ახალი პროგრამა
დღეს "ზუგდიდის დამოუკიდებელი ცხოვრების ცენტრი"-ს ოფისში, პროექტის ,,ზუგდიდის მუნიციპალიტეტში შეზღუდული შესაძლებლობის მქონე პირთა თემის საჭიროებებზე მორგებული პროგრამების გაუმჯობესება" ფარგლებში, მეორე
დაბალი ფასის, გამძლეობისა და მარტივად დამონტაჟების გამო, პოლიეთილენის მილები ბაზარზე სულ უფრო პოპულარული ხდება და სხვა მასალებს ანაცვლებს.
დღის სიახლეები
19 / მაისი 2024
სამეგრელო-ზემო სვანეთის პოლიციის დეპარტამენტის თანამშრომლებმა სენაკში მკვლელობის ბრალდებით 2003 წელს დაბადებული ლ.ს. დააკავეს.
19 / მაისი 2024
გიგა ოთხოზორიას დედა ჯულიეტა ჭანტურია შვილის მკვლელობიდან 8 წლის თავზე ამბობს, რომ მკვლელის დასჯის მოლოდინი არ აქვს.
19 / მაისი 2024
სენაკში, ქალაქის ერთ - ერთ ქუჩაზე, გუშინ ღამით მკვლელობა მოხდა.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 8 °C
img
სოხუმი 11 °C
img
ფოთი 13 °C
img
მესტია 2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.