რეგიონი
ზუგდიდში თანამედროვე ხელოვნების ფესტივალი F5 პაუზის შემდეგ ისევ ჩატარდება
8-9 ოქტომბერს, ზუგდიდის თანამედროვე ხელოვნების ფესტივალი „F5“ გაიმართება. მასში ქართველი პოეტები, მწერლები და მუსიკოსები მიიღებენ მონაწილეობას. ამის შესახებ სოციალურ ქსელში ორგანიზატორები წერენ. 

„თანამედროვე სახელოვნებო პროცესი და აქტივობა ხშირად ცენტრალიზებულია და არ სცდება თბილისსა და რამდენიმე ტურისტულ ცენტრს. მიუხედავად ისტორიულ-კულტურული კონტექტისა, სხვადასხვა საინტერესო აქტივობისა, არც ზუგდიდია გამონაკლისი ამ მიმართულებით და ადგილობრივი კულტურული პროცესი მეტად პასიურია.

„F5“ მიზანია სახელოვნებო პროცესის დეცენტრალიზაცია და ახალგაზრდა ხელოვანების ჩართულობით რეგიონში კულტურულ-შემოქმედებითი ცხოვრების ხელშეწყობა.

ფესტივალს ტრადიციულად ორი მიმართულება ექნება - ლიტერატურული და მუსიკალური ნაწილი“, - აღნიშნულია ინფორმაციაში.



აქვე მოცემულია პროგრამაც.

„8 ოქტომბერი:

ლიტერატურული პროგრამა:
17:00 საათი: ყოველდღიურ რუტინაში ჩაკარგული ჩვენი დიდი გრძნობები (რომანი და დოკუმენტური პროზა), საუბარი ნესტან ნენე კვინიკაძესთან, მოდერატორი: გვანცა ჯობავა;
17:30 საათი: პოეზიის თარგმნის სიძნელეები – შეხვედრა დალილა გოგიასთან, მოდერატორი გიორგი შონია;
18:00 საათი: ახალი ხმები ქართულ პოეზიაში, შეხვედრა ქეთი გზირიშვილთან და თორნიკე სიბაშვილთან, მოდერატორი: ნიკა ლაშხია;
18:30 საათი: ზაურ გერგედას ახალი წიგნის – „შეშლილობის გამოცდილება“ წარდგენა, მოდერატორი: ზვიად კვარაცხელია;
19:00 საათი: რას ნიშნავს „ჟანრული ლიტერატურა“, საუბარი ზაზა კოშკაძესთან, მოდერატორი: გიორგი შონია;
19:30 საათი: ჟურნალ "ებგურის" წარდგენა. წარმდგენი: ზეინაბ სარია

მუსიკა: ნათია ალშიბაია


9 ოქტომბერი:

17:00 საათი: წიგნიერებისთვის. გიორგი კეკელიძის საჯარო ლექცია.
17:30 საათი: ომში ყოფნა და ომზე წერა – გელა ჩქვანავას მოთხრობები და რომანები, მოდერატორი: ზვიად კვარაცხელია;
18:00 საათი: „არგადარჩენა“ შამუგიას რეცეპტით – შეხვედრა პაატა შამუგიასთან, მოდერატორი: გიორგი შონია;
18:30 საათი: როგორ ვწერდით 90-იანებში – გიორგი ბუნდოვანი და გაგა ნახუცრიშვილი, მოდერატორი: ნიკა ლაშხია;
19:00 საათი: ანტისაბჭოთა მოძრაობა 60-იანი წლების ზუგდიდში და ბრძოლა დამოუკიდებლობისთვის – საუბარი ედემ კვირტიასთან, მოდერატორი: დათო ლოგუა;
19:30 საათი: კულტურის დეცენტრალიზაცია, სპიკერები: ივა ფეზუაშვილი, პაატა შამუგია, ერეკლე დეისაძე, ნიკა ლაშხია, ზვიად კვარაცხელია და გიორგი შონია

მუსიკა: ერეკლე დეისაძე




ფესტივალს საფუძველი 2018 წელს ჩაეყარა. ის გასულ წელს პანდემიის გამო ვერ ჩატარდა. 


Print Email
FaceBook Twitter
დაფინანსებული
ევროპის რეკონსტრუქციის და განვითარების ბანკმა ზუგდიდის მერიასთან ერთად, ქალების ავტობუსის მძღოლებად მომზადების ახალი პროგრამა
დღეს "ზუგდიდის დამოუკიდებელი ცხოვრების ცენტრი"-ს ოფისში, პროექტის ,,ზუგდიდის მუნიციპალიტეტში შეზღუდული შესაძლებლობის მქონე პირთა თემის საჭიროებებზე მორგებული პროგრამების გაუმჯობესება" ფარგლებში, მეორე
დაბალი ფასის, გამძლეობისა და მარტივად დამონტაჟების გამო, პოლიეთილენის მილები ბაზარზე სულ უფრო პოპულარული ხდება და სხვა მასალებს ანაცვლებს.
დღის სიახლეები
19 / მაისი 2024
სამეგრელო-ზემო სვანეთის პოლიციის დეპარტამენტის თანამშრომლებმა სენაკში მკვლელობის ბრალდებით 2003 წელს დაბადებული ლ.ს. დააკავეს.
19 / მაისი 2024
გიგა ოთხოზორიას დედა ჯულიეტა ჭანტურია შვილის მკვლელობიდან 8 წლის თავზე ამბობს, რომ მკვლელის დასჯის მოლოდინი არ აქვს.
19 / მაისი 2024
სენაკში, ქალაქის ერთ - ერთ ქუჩაზე, გუშინ ღამით მკვლელობა მოხდა.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 7 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.