ახალი ამბები
ანა წითლიძის მდგომარეობა უკიდურესად მძიმეა - ექიმი
ექიმმა, რომელმაც პარლამენტში მოშიმშილე დეპუტატი ანა წითლიძე მოინახულა, ჟურნალისტებს უთხრა, რომ პოლიტიკოსის მდგომარეობა უკიდურესად მძიმეა და მედიკოსების რეკომენდაციაა, მან შიმშილობა შეწყვიტოს.

"პაციენტი განსაკუთრებით მძიმედ გამოიყურება, ვიტყოდი, უკიდურესად მძიმეა. ინტოქსიკაციის ნიშნები წამოვიდა, გაძლიერებულია თავბრუსხვევა, გულისრევა, სისუსტე, ადვილად დაღლა, გონებაგაფანტულობა, აპათია, ძილიანობა, კანი ჰიპერემიული, თვალები შეშუპებულია, ჩავარდნილი, ენა მშრალი და მე ვიტყოდი, რომ პაციენტს უკვე დეკომპენსაციის პერიოდი დაეწყო, ორგანიზმი ვეღარ ასტაბილურებს შიმშილობას. უკვე ძალიან მძიმედ მიდის ეს პროცესი და ჩვენი რეკომენდაციაა, შეწყვიტოს შიმშილობა", - თქვა ექიმმა.

მოშიმშილე დეპუტატი დღეს პარლამენტის თავმჯდომარემ შალვა პაპუაშვილმაც მოინახულა. მან "ნაციონალური მოძრაობის" წევრებს მიმართა, რომ წითლიძეს შიმშილობის შეწყვეტისკენ მოუწოდონ.

"(ანა წითლიძე) უკვე ისეთ მდგომარეობაშია, როდესაც შეიძლება საკუთარი ჯანმრთელობა შეუქცევადად დაიზიანოს... სასამართლოსთვის ულტიმატუმის წაყენება არ არის ის ფორმა, რომლითაც საკითხების გადაწყვეტა უნდა ხდებოდეს", - უთხრა ჟურნალისტებს პაპუაშვილმა.

გარდა ამისა, მან უპასუხა კითხვას, ხედავს თუ არა მიხეილ სააკაშვილის ჯანმრთელობის მდგომარეობასთან დაკავშირებით ხელისუფლება საკუთარ პასუხისმგებლობას. პარლამენტის თავმჯდომარის თქმით, სახელმწიფო პასუხისმგებელია, რომ სააკაშვილს სათანადო პირობები ჰქონდეს.

"სახელმწიფო თავისთავად ყველა მსჯავრდებულ პირზეა პასუხისმგებელი, რომ სათანადო პირობები ჰქონდეს და მიეწოდებოდეს სათანადო სამედიცინო სერვისი. სახელმწიფო ზუსტად ამას აკეთებს".

მიხეილ სააკაშვილის საზღვარგარეთ სამკურნალოდ გადაყვანის მოთხოვნით ანა წითლიძე მე-12 დღეა შიმშილობს. 

Print Email
FaceBook Twitter
დაფინანსებული
15 - 16 ივლისს, ზუგდიდის მუნიციპალიტეტის ,,ხელოვნებისა და კულტურის განვითარების ცენტრის" ორგანიზებითა და ზუგდიდის მუნიციპალიტეტის მერიის მხარდაჭერით, პოლიკარპე ხუბულავას სახელობის ფოლკლორის IV საერთაშორისო ფესტივალი ,,კოლხი და..."  ჩატარდება.
ანაკლია-განმუხურის საზღვაო სეზონი გაიხსნა. სეზონის გახსნასთან დაკავშირებით, ანაკლიაში სხვადასხვა ღონისძიება გაიმართა.
ზუგდიდის მერიის ბავშვებისა და ახალგაზრდების შესაძლებლობების განვითარების ხელშეწყობის კომისიამ, არაფორმალური განათლებისა და პროფესიული შესაძლებლობების განვითარების პროგრამის ფარგლებში 4 ახალგაზრდა დააფინანსა.
დღის სიახლეები
15 / ივლისი 2024
გუდაუთის მცხოვრებლებმა სასტუმრო "როსიას" საკანალიზაციო არხები გადაკეტეს, ანტისანიტარიის გამო. 
15 / ივლისი 2024
შეფასებისა და გამოცდების ეროვნული ცენტრის ინფორმაციით, ზუგდიდში ისტორიის გამოცდის პირველ სესიაზე რეგისტრირებული 389
15 / ივლისი 2024
2020-დან 2022 წლის ჩათვლით, უცხოური დონორი ორგანიზაციების სრული ან ნაწილობრივი დაფინანსებით, სენაკის მუნიციპალიტეტში რამდენიმე მნიშვნელოვანი ინფრასტრუქტურული პროექტი განხორციელდა. ამის შესახებ ადგილობრივი
დილის ჩართვა
ოდაბადეშ კინოხონი
04 / ივლისი 2024
დადიანების სასახლეთა საგანძური
მთავარი საინფორმაციო გამოშვება
არქივი
«« ივლისი 2024 »»
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1234
ამინდი
ზუგდიდი 24 °C
img
სოხუმი 24 °C
img
ფოთი 25 °C
img
მესტია 11 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.