ახალი ამბები
ამ კანონის მთავარი მიზანი თავისუფალი სიტყვის შეზღუდვაა - ზუგდიდის საკრებულოს თავმჯდომარე
დღეს ხელისუფლება მთელი ძალისხმევით უნდა მუშაობდეს ევროპული მომავლისთვის მიღებული რეკომენდაციების შესრულებაზე, სტრატეგიულ პარტნიორებთან ურთიერთობის გაძლიერებაზე და ამით განამტკიცებდეს ქართველი ერის ურყევ ნებას საქართველოს ევროპულ ოჯახში დასამკვიდრებლად. ეს არის ერთადერთი გზა, რომ საქართველო არ დარჩეს პირისპირ მარტო მტერთან - ოკუპანტ რუსეთთან, - ამის შესახებ განცხადება ზუგდიდის საკრებულოს თავმჯდომარემ, გიგა ფარულავამ გაავრცელა. მისივე თქმით, კანონი, რომლის მიღებასაც ხელისუფლება გეგმავს ქვეყანას ევროპულ პერსპექტივას უკარგავს, აშორებს სტრატეგიულ პარტნიორებს და თავისი არსით ემსახურება რუსულ ინტერესებს.

"ეს კანონი არ ემსახურება "გამჭვირვალობას", ამ კანონის მთავარი მიზანია ხელისუფლებისთვის ბერკეტის შექმნა თავისი შეხედულებისამებრ აკონტროლოს სამოქალაქო სექტორი და არასამთავრობო ორგანიზაციები. საბოლოო ჯამში ამ კანონის მთავარი მიზანია თავისუფალი სიტყვის შეზღუდვა.

ეს კანონი საფრთხეს უქმნის"

1. ჯანდაცვის სფეროს განვითარების დაფინანსებას.

2. განათლების სფეროს განვითარების დაფინანსებას.

3. ეკონომიკური განვითარების ხელშეწყობის დაფინანსებას.

4. სოფლის მეურნეობის განვითარების დაფინანსებას.

5. კულტურული მემკვიდრეობის გადარჩენისა და განვითარების ხელშეწყობის დაფინანსებას.

6. ადამიანის უფლებებისა და თავისუფლებების დაცვას.

7. სამოქალაქო საზოგადოების გაძლიერებას.

8. სიტყვის თავისუფლებას.

9. საქართველოს ევროპულ მომავალს.

10. უმთავრესს - სახელმწიფოს დემოკრატიულ განვითარებას.

ამ კანონის განხილვით ხელისუფლება ებრძვის დასავლეთს და არა ოკუპანტი სახელმწიფოს - რუსეთის გავლენებს. ხელისუფლებამ უარი თქვა ჩვენი პარტიის - პარტია "საქართველოსთვის" მიერ ინიცირებული ალტერნატიული კანონის პროექტის "ოკუპანტი ქვეყნის - რუსეთის ფედერაციის გავლენის შემცირების შესახებ" განხილვაზე", - ვკითხულობთ გიგა ფარულავას განცხადებაში.

ცოტა ხნის წინ პარლამენტში "უცხოეთის აგენტების შესახებ" კანონპროექტების განხილვას ხმაური და დაპირისპირება მოყვა. დარბაზიდან გაძევებულია ოპოზიციონერი დეპუტატების ნაწილი. 

ამასთან, პარლამენტის შენობასთან დილიდან მიმდინარეობს საპროტესტო აქცია. ადგილზე იმყოფებიან სამოქალაქო სექტორის წარმომადგენლები, ჟურნალისტები და რიგითი მოქალაქეები.


ამავე თემაზე: 

სამეგრელო ზემო-სვანეთის საზოგადოებრივი ორგანიზაციებისა და სამოქალაქო აქტივისტების მიმართვა პარლამენტის წევრებსა და ადგილობრივ ხელისუფლებას
Print Email
FaceBook Twitter
დაფინანსებული
პოლიკარპე ხუბულავას სახელობის მეგრული ფოლკლორის IV საერთაშორისო ფესტივალი ,,კოლხი და...“ გალა კონცერტით დასრულდა.
მერის სტიპენდიაზე განცხადებების მიღება დაიწყო.
პოლიკარპე ხუბულავას სახელობის მეგრული ფოლკლორის IV საერთაშორისო ფესტივალი ,,კოლხი და...“ ჯიხაშკარში, მის მშობლიურ სოფელში გაიმართა, რომელშიც საქართველოს სხვადასხვა რეგიონიდან ჩამოსული ფოლკლორული ანსამბლები მონაწილეობდნენ.
დღის სიახლეები
17 / ივლისი 2024
მომავალ ლიდერთა გაცვლითი პროგრამა (FLEX), 30 წელზე მეტია, რაც ამერიკის მთავრობის მხარდაჭერით ხორციელდება საქართველოში.
17 / ივლისი 2024
აფხაზეთის დე ფაქტო რესპუბლიკის ე.წ. პარლამენტის ეკონომიკური პოლიტიკისა და რეფორმების კომიტეტმა “აპარტამენტების” შესახებ კანონპროექტი დაამტკიცა.
17 / ივლისი 2024
21 ივლისამდე საქართველოში მოსალოდნელია დროგამოშვებით ხანმოკლე წვიმა ელჭექით, შესაძლებელია სეტყვა და ქარის გაძლიერება. ამის
დილის ჩართვა
ოდაბადეშ კინოხონი
04 / ივლისი 2024
დადიანების სასახლეთა საგანძური
მთავარი საინფორმაციო გამოშვება
არქივი
«« ივლისი 2024 »»
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1234
ამინდი
ზუგდიდი 24 °C
img
სოხუმი 24 °C
img
ფოთი 26 °C
img
მესტია 11 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.