ახალი ამბები
"არა რუსულ კანონს" - ზუგდიდის საკრებულოს კომისიის სხდომაზე ხმაური და დაპირისპირება იყო
ზუგდიდის საკრებულოს ეკონომიკის, ურბანული განვითარებისა და ქონების მართვის საკითხთა კომისიაზე ხმაური მოყვა დეპუტატებს შორის "უცხოური გავლენის აგენტების" შესახებ კანონპროექტზე მსჯელობას. ენმ-ის ფრაქციის თავმჯდომარემ "ხალხის ძალის" წარმომადგენელს, ბეჟან შანავას და ზუგდიდის მერის მოადგილეს კონსტანტინე კაკავას კითხვით მიმართა და კანონპროექტთან დაკავშირებით აზრის დაფიქსირება თხოვა. მაია კალანდიამ მმართველი პარტიისა და "ხალხის ძალის" წარმომადგენლებს USAID-ისა და სხვა პარტნიორი ორგანიზაციების მიერ დაფინანსებული პროექტები შეახსენა და აღნიშნა, რომ კანონის მიღებით, პირველ რიგში, რიგითი მოქალაქეები და სხვადასხვა სერვისის მიმღები პირები ზარალდებიან.

"ეს არის ძალიან პატარა მონაკვეთი იმ დაფინანსებიდან, რომელიც აქვს ზუგდიდის მუნიციპალიტეტს სხვადასხვა დასავლური ფონდიდან, ეს იყო ამერიკელი ხალხის დაფინანსება - სამი მიკროავტობუსი შშმ პირთათვის. 507 ათას ლარიანი დაფინანსება. კითხვა გვქონდა ე.წ "ხალხის ძალის", სინამდვილეში კი ბიძინა ივანიშვილის წარმომადგენლებთან, რაზეც მივიღეთ პასუხი, რომ ეს არის ამერიკული კანონის გადამღერება. ჩაუგდებენ მესიჯბოქსს და იმეორებენ", - უთხრა კალანდიამ ჟურნალისტებს.

ოპოზიციის რეპლიკებს კამათი მოჰყვა. დარბაზში სიტუაცია რამდენჯერმე დაიძაბა. დეპუტატებმა ერთმანეთს შეურაცხმყოფელი სიტყვებით მიმართეს.  

"განხილვისას ქალბატონმა მაიამ წამოჭრა კანონპროექტის საკითხი, ამას მოყვა ჩემი პასუხი, რომ ეს არაა რუსული კანონი და ამერიკულის ანალოგია. სამოქალაქო სექტორის აზრი საზოგადოებისთვის ცნობილია, რომ მათ გამჭვირვალობა არ უნდათ, ამ კანონის ფუნქციონირება არ უნდათ, სად მიდის მათი თანხები, როგორ იხარჯება, ვისთან მიდის. არავინ არ ამბობს გრანტებზე უარს. თუ ვენეციის კომისია მიიღებს, მერე ამოქმედდება ეს კანონი", - თქვა სხდომის დასასრულს ბეჟან შანავამ. 

"ხალხის ძალის" მიერ ინიცირებულ პროექტებს სახელწოდებით - "უცხოური გავლენის გამჭვირვალობის შესახებ" და "უცხოელი აგენტების რეგისტრაციის შესახებ" საკანონმდებლო ორგანოში დღეს დილიდან განიხილავენ. პარალელურად კი პარლამენტის მიმდებარე ტერიტორიაზე საპორტესტო აქცია მიმდინარეობდა.


ამავე თემაზე: 

ანა წითლიძე იურიდიული კომიტეტის სხდომათა დარბაზიდან ძალის გამოყენებით გაიყვანეს

ამ კანონის მთავარი მიზანი თავისუფალი სიტყვის შეზღუდვაა - ზუგდიდის საკრებულოს თავმჯდომარე

სამეგრელო ზემო-სვანეთის საზოგადოებრივი ორგანიზაციებისა და სამოქალაქო აქტივისტების მიმართვა პარლამენტის წევრებსა და ადგილობრივ ხელისუფლებას

Print Email
FaceBook Twitter
დაფინანსებული
„მე-16 ელემენტის" და „ნაციონალიზმისა და კონფლიქტის კვლევის ინსტიტუტის“ (ISNC) , “Digital Interaction for Peace” / DIP Project-ის ფარგლებში გადაიღეს დოკუმენტური ფილმი სახელწოდებით "თაობა კონფლიქტს მიღმა".
სურსათის უვნებლობა მოქალაქეების ჯანსაღი და უსაფრთხო ცხოვრების ერთ-ერთი მნიშვნელოვანი კომპონენტია. პროდუქტებში შემავალმა საკვებმა დანამატებმა და გენეტიკურად მოდიფიცირებულმა ორგანიზმებმა შეიძლება გავლენა იქონიონ ჩვენს ჯანმრთელობაზე. ზუგდიდში, სხვადასხვა ლოკაციაზე, მოქალაქეებს ვკითხეთ, ამოწმებენ თუ არა ვადებს და ეტიკეტს პროდუქტის შეძენისას.
ზუგდიდში, ჩეხეთის რესპუბლიკის, შვედეთისა და ევროკავშირის მხარდაჭერით ხორციელდება პროექტი „ხალხი და რეგიონები სურსათის უვნებლობისთვის“, რომელშიც სხვადასხვა პროფილის სურსათის მწარმოებელი ბიზნეს ოპერატორები, ადგილობრივი ფერმერები და მეწარმეები მონაწილეობენ. პროექტის მიზანია რეგიონებში სურსათის უვნებლობის მიმართულებით საინფორმაციო გარემოს გაუმჯობესება და მოსახლეობის ინფორმირებულობის ამაღლება.
სტატია
დღის სიახლეები
01 / მაისი 2025
კოლხები თუთაშხა დღეს განსაკუთრებულად საკრალურად თვლიდნენ.უძველესი დროიდან ითვლებოდა ორშაბათი ბედნიერ დღედ და ამ დღეს ჰქონდა ცალკე სამლოცველო დღესასწაულიც,რომელსაც ერქვა ,,ოთუთაშხე“,იგივე ,,თუთაშხა ბედინერი“.ბედნიერი მთვარის დღე.ასევე დღემდეა სოფელ ხეთაში ,მიქამგარიოს ეკლესიაში დაცული დღესასწაული, რომელსაც ,,თუთაშხა გითოხვამას“ ან კიდევ ,,მიქამგარიოშ გითოხვამას“უწოდებენ. დღევანდელ გადაცემაში დეტალურადაა საუბარი ამ ორ ლოცვაზე და მის მნიშვნელობაზე.
01 / მაისი 2025
ეკონომიკისა და მდგრადი განვითარების მინისტრმა ლევან დავითაშვილმა მთავრობის სხდომის დასრულების შემდეგ ჟურნალისტებს განუცხადა, რომ ჩინური კონსორციუმისგან (CCCC) განახლებული წინადადება მიიღეს, რომელიც უნდა შეფასდეს.
01 / მაისი 2025
აფხაზეთის დე ფაქტო რესპუბლიკის ე.წ. პრეზიდენტი ბადრა გუნბა 9 მაისს, მოსკოვში დაგეგმილ გამარჯვების აღლუმს დაესწრება. ამის შესახებ „რუსეთში ფხაზეთის ელჩმა“ ალხას კვიცინიამ "რია ნოვოსტის" განუცხადა.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
«« მაისი 2025 »»
282930 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.