ახალი ამბები
ამაყი ვარ ჩემი მოსწავლეებით - კახაბერ ფარცვანია ფრანგული ენის წლის საუკეთესო მასწავლებლად დასახელდა
2022 წლის ფრანგული ენის საუკეთესო მასწავლებლად კახაბერ ფარცვანია დასახელდა. ინფორმაციას და დაჯილდოების ამსახველ ფოტოებს საქართველოს განათლებისა და მეცნიერების სამინისტრო ავრცელებს.

ამავე ცნობით, გამარჯვებულს გადაეცა საპატიო ჯილდო – საუკეთესო მასწავლებლის სამკერდე ნიშანი, შესაბამისი სერტიფიკატი და პლანშეტი. აღსანიშნავია, რომ საქართველოს ფრანგული ინსტიტუტის მხარდაჭერით, გამარჯვებული პედაგოგი ორკვირიან პედაგოგიურ სტაჟირებას საფრანგეთში გაივლის.

კახაბერ ფარცვანია, რომელსაც წლის საუკეთესო მასწავლებლის ტიტული ერგო, ზუგდიდის მესამე, მეოთხე, სსიპ მერაბ კოსტავას სახელობის მეორე და რუხის საჯარო სკოლებში, ასევე პრინც მიურატის სახელობის ქართულ-ფრანგულ კოლეჯში ასწავლის ფრანგულ ენას.

"ძალიან მნიშვნელოვანია მასწავლებლისთვის, როდესაც მისი შრომა ფასდება", - უთხრა ფარცვანიამ რადიო "ათინათს". მისი თქმით, ის ძალიან ამაყობს თავისი მოსწავლეებით, მით უმეტეს, რომ აღნიშნულ საჯარო სკოლებში ფრანგულის, როგორც არჩევითი საგნის, სწავლება მხოლოდ წელს დაიწყო.

"ძალიან ამაყი ვარ ჩემო მოსწავლეებით... მარტივი არ იყო, როდესაც ეს ჟიური მთელი შემადგენლობით გესწრება გაკვეთილზე და ამ დროს ბავშვები მაქსიმუმს ავლენენ. მადლობას ვუხდი ჩემს მოსწავლეებს პირველ რიგში, შემდგომ ჩემს კოლეგებს, მშობლებს, იმიტომ, რომ ამ სადამკვირვებლო გაკვეთილის შემდეგ, უკვე ტარდება ინტერვიუ კოლეგებთან, მშობლებთან. მოკლედ, კონკურსის პირობებით, ბევრი კრიტერიუმით ფასდება მასწავლებელი და ბევრი კრიტერიუმით ირჩევა საბოლოოდ გამარჯვებული", - გვითხრა მან და ხაზი გაუსვა, რომ მსგავს აქტივობებს, ძალიან დიდი მნიშვნელობა აქვს მასწავლებლის პროფესიის პოპულარიზაციისთვის.

ფრანგული ენის საუკეთესო მასწავლებლის დაჯილდოების ცერემონია ყიველწლიურად ტარდება. წელს ის საქართველოს განათლებისა და მეცნიერების სამინისტროს, საქართველოს ფრანგული ინსტიტუტისა და საფრანგეთისა და შვეიცარიის საელჩოების მხარდაჭერით, ფრანგული ენისა და ფრანკოფონიის დღესასწაულთან დაკავშირებით გამართული ღონისძიებების ფარგლებში გაიმართა.

კახაბერ ფარცვანია 2020 წლამდე ზუგდიდის საგანმანათლებლო რესურსცენტრის ხელმძღვანელის თანამდებობას იკავდბდა.



Print Email
FaceBook Twitter
რ ე კ ლ ა მ ა
თუ ხარ შემოქმედებითი და გსურს განავითარო იდეა, ეს პროექტი შენთვისაა!
ზუგდიდის მერიამ, ახალი სოციალური პროგრამა, ,,თავისუფალი გადაადგილების სოციალური სერვისი-საჭიროების მქონე პირთა ინდივიდუალური მობილურობა“ დაიწყო.
მთელ მსოფლიოში ორგანულ პროდუქტზე მოთხოვნა ყოველწლიურად იზრდება. მომხმარებელი უპირატესობას ბიოლოგიურად სუფთა, მინერალური სასუქით მოყვანილ პროდუქტს ანიჭებს უპირატესობას,
საზოგადოება
საქართველოს პატრიარქის 2023 წლის საშობაო ეპისტოლე გამოქვეყნდა, რომელსაც სრულად გთავაზობთ:
ზუგდიდში თანამედროვე ხელოვნების ფესტივალი "f 5" განახლდა. ფესტივალის პირველი სტუმარი მოდერატორთან ერთად მწერალი ნენე კვინიკაძეა.
ზუგდიდის მუნიციპალიტეტის მერიის სოციალური დაცვის და გენდერული თანასწორობის განყოფილების უფროსი გოგი რევია, პარლამენტის გენდერული თანასწორობის საბჭოს კონკურსის
დღის სიახლეები
04 / ივნისი 2023
ზაფხულის საკურორტო სეზონზე შავი ზღვის სანაპირო ზოლის დასუფთავების ინტენსიური სამუშაოების უზრუნველსაყოფად, ზუგდიდის, ფოთისა და ქობულეთის მუნიციპალიტეტებს, ჯამში, 16 ერთეული სპეციალური ტექნიკა გადაეცათ.
04 / ივნისი 2023
ზუგდიდში, დადიანების სასახლის მიმდებარე ტერიტორიაზე სულუგუნის ფესტივალის ჩატარება დაიგეგმა.
04 / ივნისი 2023
საქართველოს პარლამენტის ეროვნული ბიბლიოთეკის დირექტორი, მწერალი გიორგი კეკელიძე სოციალურ ქსელში პოსტს აქვეყნებს.
მთავარი საინფორმაციო გამოშვება
არქივი
«« ივნისი 2023 »»
293031 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 12
ამინდი
ზუგდიდი 25 °C
img
სოხუმი 24 °C
img
ფოთი 21 °C
img
მესტია 12 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.