ახალი ამბები
გიგა ოთხოზორიას, დავით ბაშარულის და არჩილ ტატუნაშვილის მკვლელობის საქმეები დღემდე გამოუძიებელია - გაეროს უშიშროების საბჭოს განცხადება
საქართველოს მოქალაქეების - გიგა ოთხოზორიას, დავით ბაშარულის, არჩილ ტატუნაშვილის მკვლელობის საქმეები დღემდე გამოუძიებელი რჩება და დამნაშავეები კვლავ დაუსჯელნი არიან, ამის შესახებ ნათქვამია განცხადებაში, რომელიც აგვისტოს ომის მე-15 წლისთავთან დაკავშირებით გაეროს უშიშროების საბჭომ გაავრცელა

რუსეთის ფედერაციის მიერ, 2008 წლის აგვისტოში განხორციელებული ფართომასშტაბიანი ომი და ქვეყნის ტერიტორიული მთლიანობის უხეში დარღვევა 10 აგვისტოს გააპროტესტეს გაეროს უშიშროების საბჭოს სახელმწიფოებმა - ამერიკის შეერთებულმა შტატებმა, გაერთიანებულმა სამეფომ, საფრანგეთმა, იაპონიამ, ალბანეთმა და მალტამ გააპროტესტეს. განცხადება საბჭოს სახელით ალბანეთმა გააკეთა.

განცხადება ხაზს უსვამს რუსეთის მიმდინარე აგრესიას საქართველოში, "საქართველოს ტერიტორიული ხელშეუხებლობის უხეში დარღვევის" გზით და გმობს მოსკოვის მხრიდან განხორციელებულ "ბორდერიზაციის" პრაქტიკას; სამხედრო წვრთნებს, რომლებიც არღვევს საქართველოს ტერიტორიის საზღვრებს, საჰაერო სივრცეს და ტერიტორიულ წყლებს; ადგილობრივი მოსახლეობის უკანონო დაკავებისა და გატაცების ფაქტებს; გადაადგილების თავისუფლების შეზღუდვას და გადაკვეთის პუნქტების დახურვას; დისკრიმინაციას ეთნიკურად ქართველი მოსახლეობის მიმართ და ადგილობრივი მოსახლეობისთვის ქართულ ენაზე განათლების მიღებისთვის ხელის შეშლას, თუ კულტურის ქართული ძეგლების მიზნობრივ განადგურებას.

გაეროს უშიშროების საბჭოს განცხადება "ღრმა შეშფოთებას" გამოხატავს იმის გამო, რომ "ბოლო წლების განმავლობაში, ადამიანის უფლებადმცველ საერთაშორისო ორგანიზაციათა მონიტორინგის მექანიზმს არ აქვს წვდომა აფხაზეთში და ცხინვალის რეგიონში/სამხრეთ ოსეთში". აქედან გამომდინარე, გაერო აღნიშნულ ტერიტორიაზე მათი და ჰუმანიტარული ორგანიზაციების შეუფერხებელი დაშვებისკენ მოუწოდებს.

გაეროში მოუწოდებენ რუსეთს, სრულად შეასრულოს 2008 წლის 12 აგვისტოს ცეცხლის შეწყვეტის შეთანხმება.


ამავე თემაზე: 

აგვისტოს ომის დაწყებიდან 15 წელი გავიდა

რუსეთი დღემდე განაგრძობს საქართველოს რეგიონების ოკუპაციას - სახელმწიფო მინისტრის აპარატი

გაერო-ს გენერალურმა ასამბლეამ ოკუპირებული აფხაზეთიდან და ცხინვალის რეგიონიდან იძულებით გადაადგილებულ პირთა სტატუსის შესახებ რეზოლუცია მიიღო



Print Email
FaceBook Twitter
დაფინანსებული
პირველად საქართველოში, კავკასიისა და შავი ზღვის რეგიონში, შეიქმნა პროსტატის დაავადებათა მკურნალობისა და აღდგენითი თერაპიის ცენტრები, რომლებიც ფუნქციონირებს ზუგდიდში, თბილისში, ბათუმში, ქუთაისსა და თელავში.
ზუგდიდში პირველად პროფესორი ივა კუზანოვი ჩაატარებს პრეზენტაციას თემაზე - თანამედროვე პლასტიკური ოპერაციები 21-ე საუკუნეში.
ბიზნესისა და ტექნოლოგიების უნივერსიტეტის ინიციატივით ხელოვნური ინტელექტის ჰაკათონი, 20 000 ლარიანი საინვესტიციო ფონდით გაიმართება, სადაც მონაწილეობის მიღება საქართველოს მასშტაბით აქტიური სტატუსის მქონე ნებისმიერი უნივერსიტეტის სტუდენტს შეუძლია.
დღის სიახლეები
02 / მარტი 2024
სოხუმში მოითხოვენ, რომ UNDP - მ 7 მარტის 18:00 საათამდე ოფიციალურად უარყოს „USAID-ის მიერ დაფინანსებული პროექტის მიზნები“.
02 / მარტი 2024
ბოლო დროს, სოციალური ქსელების აფხაზურ სეგმენტში ვრცელდება ფოტოები, რომლებზეც ზღვის სანაპიროზე დაავადებული ან დახოცილი ფრინველებია გამოსახული. საუბარია, დიდ კოკონაზე (Podiceps cristatus) ბატისნაირთა რიგის წყალმცურავ ფრინველზე.
02 / მარტი 2024
შინაგან საქმეთა სამინისტროს ცენტრალური კრიმინალური პოლიციის, საპატრულო პოლიციის, თბილისის, სამეგრელო-ზემო სვანეთის, აჭარის და გურიის პოლიციის დეპარტამენტების თანამშრომლებმა, ნარკოდანაშაულის ბრალდებით ათი პირი დააკავეს.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
«« მარტი 2024 »»
26272829 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
ამინდი
ზუგდიდი 11 °C
img
სოხუმი 10 °C
img
ფოთი 10 °C
img
მესტია 0 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.