ახალი ამბები
ბალდის კანიონზე მშენებლობა დროებით შეჩერდება - ადგილობრივები
ბალდის კანიონში ინფრასტრუქტურული სამუშოები ორი კვირით შეჩერდება. ამის შესახებ, ჟურნალისტებმა კანიონის მშენებლობის მოწინააღმდეგე ადგილობრივი საინიციატივო ჯგუფის წარმომადგენლებისგან შეიტყვეს, რომლებიც 16 აგვისტოს მარტვილის მერიაში გამართულ შეხვედრას ესწრებოდნენ.

მედიისთვის დახურულ შეხვედრაზე, რომელსაც ადგილობრივი ხელისუფლების, მარტვილისა და ოკაცეს ბუნების ძეგლების ადმინისტრაციის, ასევე მშენებელი კომპანიის წარმომადგენლები ესწრებოდნენ, შეთანხმდნენ, რომ კანიონის ტერიტორიაზე სამუშაოები დროებით შეწყდება, ამ დროის განმავლობაში კი ადგილობრივებმა კანიონის და სოფლის განვითარების საკუთარი ხედვა უნდა წარადგინონ.

„ჩვენ ვითხოვთ იმას, რომ შეჩერებულიყო სამუშაოები ახლა და ჩამოყალიბებულიყო რაღაც სამუშაო ჯგუფი, რომელიც ერთობლივად იფიქრებდა მთლიანად სოფლის და ხეობის განვითარებაზე, ერთობლივად ყველა მიმართულებით, ერთიანად. აქ შეიძლება ისეთი რამ გაკეთეს, რამაც ცოტა გრძელვადიანი ზიანი შეიძლება მოგვიტანოს , რასაც ახლა უბრალოდ ვერ ვითვალისწინებთ“, - უთხრა ჟურნალისტებს მათე მაყაშვილმა, რომელიც ისევე, როგორც ადგილობრივი მოსახლეობის ნაწილი, თვლის, რომ მათთან შეთანხმების, მათი მოსაზრებების მოსმენის გარეშე გადაწყდა ბუნების ძეგლის ბედი, რამაც ბალდელების უკმაყოფილება გამოიწვია.

ადგილობრივი მცხოვრები თაზო რუხაია, რომელიც ასევე ესწრებოდა შეხვედრას, ამბობს, რომ საბოლოოდ მხარეები უნდა შეთანხდნენ, თუმცა ეს არ უნდა მოხდეს სოფლის მცხოვრებლების ინტერესების გაუთვალისწინებლად.

„მე ბალდაში დავიბადე და გავიზარდე, ეს ადგილი ჩემი მგონია, თუმცა შეიძლება ვიღაცა მოვიდეს და მითხრას, რომ შენ აქ არ შეგიძლია შესვლა და უნდა გადაიხადო საფასური. ეს ჩემში პროტესტს იწვევს. მე ამ მხარით ძალიან ვამაყობ და ბევრი ტურისტი ჩამომყავს, თუმცა არ ვსაუბრობ მატერიალურ მოგებაზე,მოგებაზე, არამედ იმაზე, რომ მინდა ჩემს მეგობრებს, ჩემს სტუმრებს, ჩემს ნათესავებს, ჩემი სოფელი და ეს ადგილი ვაჩვენო ისეთი, როგორიც არის და ამაში არ მინდა ხელი შემეშალოს “, - ამბობს ის.

მშენებლობის მოწინააღმდეგე ახალგაზრდების გარდა, მედიასთან კომენტარი შეხვედრის დანარჩენ მონაწილეებს არ გაუკეთებიათ.

მარტვილის მუნიციპალიტეტის სოფელ ბალდაში, ბალდის კანიონის ბუნებრივი ძეგლის ტერიტორიის ნაწილი გასულ წელს, აუქციონის წესით, 40 - წლიანი საკუთრების უფლებითა და გარკვეული ვალდებულებებით კომპანია „კანიონ 350“-ს გადაეცა.

კომპანიამ 3 მილიონამდე ლარის ინვესტიციით 2 წელიწადში კანიონის ტერიტორიაზე უნდა მოაწყოს ეკოტურისტული ინფრასტრუქტურა, მათ შორის - ვიზიტორთა ცენტრი, 350 მეტრი სიგრძის როლერი ატრაქცია, კიდული ბილიკი და საფეხმავლო ბილიკი.


ფოტო: საქართველოს ეროვნული პარკები
Print Email
FaceBook Twitter
დაფინანსებული
პირველად საქართველოში, კავკასიისა და შავი ზღვის რეგიონში, შეიქმნა პროსტატის დაავადებათა მკურნალობისა და აღდგენითი თერაპიის ცენტრები, რომლებიც ფუნქციონირებს ზუგდიდში, თბილისში, ბათუმში, ქუთაისსა და თელავში.
ზუგდიდში პირველად პროფესორი ივა კუზანოვი ჩაატარებს პრეზენტაციას თემაზე - თანამედროვე პლასტიკური ოპერაციები 21-ე საუკუნეში.
ბიზნესისა და ტექნოლოგიების უნივერსიტეტის ინიციატივით ხელოვნური ინტელექტის ჰაკათონი, 20 000 ლარიანი საინვესტიციო ფონდით გაიმართება, სადაც მონაწილეობის მიღება საქართველოს მასშტაბით აქტიური სტატუსის მქონე ნებისმიერი უნივერსიტეტის სტუდენტს შეუძლია.
დღის სიახლეები
02 / მარტი 2024
სოხუმში მოითხოვენ, რომ UNDP - მ 7 მარტის 18:00 საათამდე ოფიციალურად უარყოს „USAID-ის მიერ დაფინანსებული პროექტის მიზნები“.
02 / მარტი 2024
ბოლო დროს, სოციალური ქსელების აფხაზურ სეგმენტში ვრცელდება ფოტოები, რომლებზეც ზღვის სანაპიროზე დაავადებული ან დახოცილი ფრინველებია გამოსახული. საუბარია, დიდ კოკონაზე (Podiceps cristatus) ბატისნაირთა რიგის წყალმცურავ ფრინველზე.
02 / მარტი 2024
შინაგან საქმეთა სამინისტროს ცენტრალური კრიმინალური პოლიციის, საპატრულო პოლიციის, თბილისის, სამეგრელო-ზემო სვანეთის, აჭარის და გურიის პოლიციის დეპარტამენტების თანამშრომლებმა, ნარკოდანაშაულის ბრალდებით ათი პირი დააკავეს.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
«« მარტი 2024 »»
26272829 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
ამინდი
ზუგდიდი 10 °C
img
სოხუმი 9 °C
img
ფოთი 9 °C
img
მესტია -1 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.