დღეს ზუგდიდში, მერიის წინ  „აგენტების კანონის“ გასაპროტესტებლად კიდევ ერთი ხალხმრავალი აქცია გაიმართა. 
ადგილზე შეკრებილი იყო სხვადასხვა ასაკისა და პროფესიის ადამიანები, რომლებიც ეწინააღმდეგებიან საქართველოს პარლამენტის მიერ მხარდაჭერილ კანონპროექტს.

დღევანდელ აქციას ასევე შეუერთდნენ თბილისიდან ჩამოსული ადგილობრივი სტუდენტებ., ისინი ამბობენ, რომ პროტესტის კერა უნდა იყოს არა მხოლოდ თბილისში, არამედ სხვადასხვა ქალაქში, მათ შორის, ზუგდიდში. მათივე განცხადებით, ,,აგენტების კანონი’’ საფრთხეს უქმნის მათ და ქვეყნის ევროპულ მომავალს.

დემონსტრანტებს ხელში ეჭირათ საქართველოსა და ევროკავშირის დროშები და და რუსული კანონპროექტის წინააღმდეგ სხვადასხვა შინაარსის ბანერები წარწერით: „კი ევროპას, არა რუსულ კანონს!“,  ,,ღორების ქელეხის ჟამია'', ,,ჩქი ქუდომტეთ თე ქიანა’’, ,,გეგშეჭანეთ’’ და ა.შ.

ამ წუთებში მოქალაქეები მსვლელობით ზუგდიდის ცენტრალურ გამზირზე გადაადგილდებიან. 

შეგახსენებთ, 3 აპრილს "ქართული ოცნების" აღმასრულებელმა მდივანმა მამუკა მდინარაძემ თქვა, რომ მმართველი პარტია "უცხოური გავლენის გამჭვირვალობის შესახებ" კანონს მეორედ დააინიცირებდა. საქართველოს პარლამენტის ბიურომ კანონპროექტი 8 აპრილს დაარეგისტრირა.

საქართველოს პარლამენტმა, 83 ხმით, "უცხოური გავლენის გამჭვირვალობის შესახებ" კანონპროექტი პირველი მოსმენით 17 აპრილს, ხოლო მეორე მოსმენით, 1 მაისს მიიღო. კანონპროექტის განხილვა მრავალათასიანი აქციების ფონზე მიმდინარეობს, პროტესტები უკვე მესამე კვირაა უწყვეტად მიმდინარეობს თბილისსა და საქართველოს სხვა ქალაქებში, მათ შორის ზუგდიდში.

ამავე თემაზე:

რადიო "ათინათი" სხვა მედიებთან ერთად ე.წ აგენტების კანონის პარლამენტში წარდგენას აპროტესტებს

ქვარაია, თოლორაია, ბერაია, ხახუბია - "აგენტების კანონის" მხარდამჭერები სამეგრელოდან

რატომ არა ე.წ აგენტების კანონს - ზუგდიდელების პასუხები (ფოტო/ვიდეო)