"დროას" წევრს და აქტივისტს მარიამ სიჭინავას, მცირეწლოვანი შვილის თანდასწრებით, ფიზიკურად გაუსწორდნენ და სიტყვიერი შეურაცხყოფა მიაყენეს. ამის შესახებ ის საკუთარ ფეისბუქ გვერდზე წერს.

"დღეს ჩემს შვილთან ერთად მოვედი სტუმრად მეგობართან ( გამსახურდიას ქუჩაზე) და თავს დამესხა თამაზ წურწუმია, ჯოხით, რომელიც თავში მირტყა, გინებით და შეურაცხყოფებით. სამწუხაროდ ტელეფონი მქონდა დამჯდარი და ვერ გადავიღე. არავის, აბსოლუტურად არავის, არ შეგრჩებათ ეს სიგიჟე", - აღნიშნავს სიჭინავა.

დაიწყო თუ არა შსს-მ აღნიშნულ ინციდენტზე გამოძიება, რადიო "ათინათი" სამინისტროდან კომენტარს მოგვიანებით შემოგთავაზებთ.