სტატისტიკის ეროვნული სამსახურის ინფორმაციით, მიმდინარე წლის პირველ კვარტალში (იანვარ-მარტი) დაქირავებით დასაქმებულთა საშუალო თვიური ნომინალური ხელფასი გაიზარდა და 1267 ლარს გაუტოლდა. ეს მაჩვენებელი 132.2 ლარით აღემატება წინა წლის შესაბამისი პერიოდის მონაცემს.

ქვეყნის მასშტაბით, ხელფასები 13.2 პროცენტითაა (226.8 ლარით) გაზრდილი და 1 943.4 ლარს შეადგენს.

საქმიანობის სახეების მიხედვით შედარებით მაღალი ფულადი ანაზღაურებაა შემდეგ დარგებში:

საფინანსო და სადაზღვევო საქმიანობები – 4 519.4 ლარი
ინფორმაცია და კომუნიკაცია – 3 956.5 ლარი
პროფესიული, სამეცნიერო და ტექნიკური საქმიანობები – 2 672.7 ლარი
მშენებლობა - 2 624.6 ლარი

ამავე სტატისტიკით, დაქირავებით დასაქმებულთა ქალების საშუალო ფულადი შემოსავალი 1 540.0 ლარით, ხოლო კაცების - 2 343.2 ლარით განისაზღვრა. საქმიანობის სახეების მიხედვით, ყველა სექტორში, კაცებს უფრო მეტი ხელფასი ჰქონდათ, ვიდრე ქალებს.