სოხუმში აცხადებენ, რომ მიუხედავად რუსეთის მიერ დაფინანსების შეჩერებისა, „საჯარო“ მოსამსახურეებს, სექტემბრის ხელფასს გადაუხდიან. ამის შესახებ აფხაზეთის დე ფატო რესპუბლიკის ე.წ. ფინანსთან მინისტრმა ვალდიმირ დელბამ უთხრა ადგილობრი მედიას.
„როგორც ადრე, ჩვენ ვიპოვით სახსრებს და მივმართავთ მათ ხელფასებზე, მაგრამ ეს არ მოხდება ელვის სისწრაფით, მთლიანი ბიუჯეტის სისტემის საზიანოდ“, - დასძინა მან.

უფრო ადრე, დელბამ განაცხადა, რომ ამ ეტაპზე მოსკოვმა სოხუმს 141 მილიონი რუბლის (1.6 მილიონი დოლარის) ოდენობის ყოველთვიური დახმარება შეუჩერა.

მისივე განმარტებით, სოციალური მუშაკების ხელფასების დაფინანსების შესახებ შეთანხმების განხორციელება შეჩერებულია "აფხაზური მხარის მიერ აფხაზეთის კანონმდებლობის რუსეთის ფედერაციის კანონმდებლობასთან ჰარმონიზაციის პროგრამის პირობების შეუსრულებლობის გამო".

ინფორმაციისთვის, 1 სექტემბრიდან მოსკოვმა სოხუმს დაფინანსება შეუჩერა. ამის შესახებ აფხაზეთის დე ფაქტო რესპუბლიკის ე.წ. საგარეო საქმეთა მინისტრმა სერგეი შამბამ განაცხადა. მიზეზად აფხაზეთის ე.წ. მთავრობის მიერ გარკვეული ვალდებულებების შეუსრულებლობა სახელდება.  

ამავე თემაზე:

ჩვენს ოპონენტებს უნდათ აფხაზეთი რუსეთს ჩამოაშორონ - პრიმაკოვი
ზატულინმა და ლავროვმა „განმარტეს“, თუ რატომ შეუჩერდა სოხუმს მოსკოვის დახმარება
ჯემალ გამახარია: უახლოეს მომავალში უნდა დაიწყოს ქართულ-აფხაზური დიალოგი