სტატისტიკის ეროვნული სამსახურის ინფორმაციით, 2024 წლის II კვარტალში (აპრილი, მაისი, ივნისი) ქვეყანაში საშუალო თვიური ნომინალური ხელფასი გასული წლის შესაბამის პერიოდთან შედარებით 11.1%-ით გაიზარდა და 2 004.9 ლარი შეადგინა.

ამავე ცნობით, სამეგრელო-ზემო სვანეთში მოსახლეობის თვიურმა შემოსავალმა 1311.1 ლარს მიაღწია. ეს მაჩვენებელი 44.1 ლარით აღემატება 2024 წლის პირველი კვარტლის რიცხვს.

საქმიანობის სახეების მიხედვით შედარებით მაღალი ხელფასი დაფიქსირდა შემდეგ
დარგებში:

ინფორმაცია და კომუნიკაცია – 3 963.0 ლარი

საფინანსო და სადაზღვევო საქმიანობები – 3 642.3 ლარი

მშენებლობა - 2 946.1 ლარი

პროფესიული, სამეცნიერო და ტექნიკური საქმიანობები – 2 872.8 ლარი

საქსტატში განმარტავენ, რომ ქალების საშუალო ხელფასი 1 590.2 ლარით, ხოლო კაცების - 2 413.5 ლარით განისაზღვრა. საქმიანობის სახეების მიხედვით კაცების ხელფასი ყველა სექტორში აღემატებოდა ქალების შემოსავალს.