საზოგადოებრივი ორგანიზაცია „აფხაზთა სახალხო მოძრაობის“ თავმჯდომარე, აფხაზი ოპოზიციონერი ადგურ არძინბა გამოეხმაურა საქართველოს პრეზიდნეტის სალომე ზურაბიშვილის განცხადებას სოხუმში მიმდინარე აქციის მონაწილეების მხარდაჭერის შესახებ.

„მინდა შევახსენო საქართველოს პრეზიდენტს, რომელიც თავის შეფასებებში ეროვნული მითოლოგიით ხელმძღვანელობს და არა რეალობითა და საღი აზრით, რომ აფხაზეთის რესპუბლიკა არის თავისუფალი ქვეყანა, რომელიც დამოუკიდებლად განსაზღვრავს თავის ბედს. განვითარების მიმართულებებსა და ეროვნული ინტერესებს“, - წერს არძინბამ ტელეგრამის საკუთარ არხზე და დასძენს, რომ „გაურკვეველია, ვის მიმართ არის სოლიდარული ქალბატონი ზურაბიშვილი“, - დაწერა მან ტელეგრამის საკუთარ არხზე.

არძინბამ ხაზგასმით აღნიშნა, რომ აფხაზური ოპოზიციის ქმედებები არ არის ანტირუსული ხასიათის. მან რუსულ მხარესთან ალიანსისა და სტრატეგიული პარტნიორობის კურსს ურყევი უწოდა.

საქართველოს პრეზიდენტი, სალომე ზურაბიშვილი, ოკუპირებულ აფხაზეთში მიმდინარე მოვლენებს გამოეხმაურა. მან განაცხადა, რომ გმობს რუსეთის „აჩქარებულ ნაბიჯებს აფხაზეთის ანექსიის მიმართულებით“.

სალომე ზურაბიშვილმა ასევე სოლიდარობა გამოხატა აფხაზეთის სამოქალაქო საზოგადოების მიმართ, რომელიც სოხუმსა და მოსკოვს შორის საინვესტიციო ხელშეკრულების რატიფიცირებას ეწინააღმდეგებიან.

მანამდე, აფხაზეთის უმაღლესი საბჭოს თავმჯდომარე ჯემალ გამახარიამ განაცხადა, რომ ყველა შეთანხმება, კანონი, რასაც რუსეთის ზეწოლით იღებს აფხაზეთის დე-ფაქტო ხელისუფლება, მიმართულია ანექსიისკენ.

მასშტაბური აქციები სოხუმში 15 ნოემბერს დაიწყო. დილიდან აფხაზეთის დე ფაქტო რესპუბლიკის ე.წ. პარლამენტში ჩაიშალა სოხუმსა და მოსკოვს შორის საინვესტიციო ხელშეკრულების რატიფიცირების პროცესი.

თვადაპირველად, აქციის მონაწილეები, რუსეთთან საინვესტიციო ხელშეკრულების გაუქმებას ითხოვდნენ, უფრო გვიან კი მთავარი მოთხოვნა გააჟღერეს - „პრეზიდენტის უპირობო გადადგომა“.