დღეს 28 დეკმბერს, ზუგდიდი „ერთობის ჯაჭვს“ შეუერთდა. 3 საათზე მოქალაქეები დადიანების სასახლესთან შეიკრიბნენ, რათა ცოცხალი ჯაჭვი შეეკრათ.
მიუხედავად წვიმისა და ქარისა, სხვადასხვა თაობის ადამიანები მოვიდნენ აქციაში მონაწილეობის მისაღებად.

ზუგდიდელების გარდა, აქ არიან სხვადასხვა მუნიციპალიტეტების, სამოქალაქო სექტორის, ოპოზიციური პოლიტიკური პარტიების წარმომადგენლები, ახალგაზრდები, ჩოხოსნები, დევნილები აფხაზეთიდან.

„მე მგონი სწორი გზაზე ვდაგარ, რასაც ჰქვია ევროპის გზა, მე მგონი ევროპის გზა მოიტანს, კარგ განათლებას, მშვიდ ცხოვრებას, ახალგაზრდობისთვის“, - გვითხრა, ეტნიკურად აფხაზმა ანტონინა ზანთარიამ, რომლიც შვილთან და ოჯახსი სხვა წევრებთან ერთად იდგა ცოცხალ ჯაჭვში.

მათ ხელში უჭირავთ საქართველოს და ევროკავშირის დროშები. ერთობის ჯაჭვი გაიშალა დადიანების სასახლიდან თავისუფლების მოედნამდე.

მოქალაქეები, რომლებიც ჯაჭვში იდგნენ, მოუწოდებდნენ გამვლელებს, შეერთებოდნენ მათ. ისმოდა შეძახილები, „სად მივდივართ, ევროპაში“ , „საქართველოს დიდება - ერთობას“ დიდება.

„დღეს თოთოეული ჩვენთაგანი ვდგავართ, ევროპული მომავლისთვის, გვინდა რუსული კლანჭებიდან გაქცევა, არ გვინდა, რომ ჩვენი თაობა და არა მარტო, არამედ, შემდეგი თაობა, ჩვენი შვილები და შვილიშვილები, გაიზარდონ რუსული რეჟიმის ქვეშ, ვგმობთ ამ ყველაფერს, ქვეყანაში მომხდარ ძალადობას და რუსულ ხელისფულებას, რა თქმა უნდა“, - ამბობს, მარიამ ნარმანია, შოთა მესხიას სასწავლო უნივერსიტეტის სტუდენტი.

თავისუფლების მოედანზე, სადაც დასრულდა ჯაჭვი, აქციის მონაწილეებმა, საქართველო - ევროკავშირის დიდი როშა გაშალეს. მათ შეასრულეს საქართველო ჰიმნი, ასევე „შავლეგო“ და მეგრული „აბა, ულა“.

,,დღეს ჩვენი ერთობა გამოხატავს ჩვენი ქვეყნის ყველაზე მთავარ სათქმელს, იმიტომ რომ, ის, რაც ჩვენს ქვეყანაში ხდება არის ზეპარტიული საკითხი, ამ პროცესებმა გააერთიანა საზოგადოება, ყველა პროფესიის ადამიანი. ეს არის ის დღე, როდესაც ჩვენ ვიცავთ ჩვენს იდენტობას, ქართველობას, ჩვენს ევროპულ მომავალს’’, - უთხრა რადიო ,,ათინათს’’ ადგილობრივმა მეწარმემ გულნაზი გახარიამ.

ამის შემდეგ, „ერთობის ჯაჭვის“ მონაწილეები, სახელმწიფო რწმუნებულის ადმინისტრაციის შენობასთან გადაინაცვლებენ, სადაც უკვე 30 დღეზე მეტია, პროევროპული საპროტესტო აქცია მიმდინარეობს.

დღეს, „ერთობის ჯაჭვი" საქართველოს მასშტაბით, სხვადასხვა ქალაქში გაიმართა.

ამავე თემაზე:

„ერთობის ჯაჭვი“ ზუგდიდში დადიანების სასახლიდან დაიწყება

პროტესტის ერთი თვე ზუგდიდში (ფოტორეპორტაჟი)