უწყვეტი პროტესტის 36-ე დღეს, ზუგდიდში მოქალაქეები ბედობა დღესაც შეიკრიბნენ სამხარეო ადმინისტრაციის შენობასთან.
ისევე როგორც წინა დღეებში, მომიტინგეები აცხადებენ, რომ პროტესტის მოთხოვნები უცვლელია: ხელახალი არჩევნების ჩატარება და აქციის დროს დაკავებული პატიმრების გათავისუფლება.

,,დღეს უკვე 36 - ე დღეა ჩვენ ვიბრძვით საქართველოსში რუსული რეჟიმის წინააღმდეგ, ჩვენი უწყვეტი პროტესტი გაგრძელდება, მანამ სანამ საბოლოო მიზნები არ იქნება მიღწეული, ხალხი არ აპირებას გაჩერებას და ეს იგრძნობა ყველა დიდ ქალაქში, მათ შორის, ჩვენთან ზუგდიდში, სადაც ყოველდღიურად გამოდიან ადამიანები და ითხოვენ უკანონოდ დაკავებული ადამიანების გათავისუფლებას, ახალ არჩევნებს და ყველა იმ რეფორმას, რაც საჭიროა თავისუფალი და დემოკრატიული არჩევნების ჩასატარებლად’’, - უთხრა რადიო ,,ათინათს’’ აქციის ერთ -ერთმა ორგანიზატორმა არჩილ თოდუამ.

აქ შეკრებილი მოქალაქეები ამბობენ, რომ არ დაიღლებიან და გამარჯვებისთვის ბრძოლას გააგრძელებენ. 

აქციაზე ევროკავშირის და საქართველოს დროშებია გაშლილი.

ცნობისთვის, მას შემდეგ, რაც 28 ნოემბერს, ირაკლი კობახიძემ განაცხადა, რომ 2028 წლის ბოლომდე საქართველო ევროკავშირთან მოლაპარაკებების გახსნის საკითხს დღის წესრიგში არ დააყენებს, საქართველოს სხვადასხვა ქალაქში, მათ შორის ზუგდიდში, საპროტესტო აქციები იმართება.

ამავე თემაზე:

დავიბედოთ გამარჯვებისთვის ბრძოლა და გამარჯვება - დღეს ზუგდიდში აქცია გაიმერთება

ევროპული საპროტესტო ახალი წელი ზუგდიდში (ფოტო)