საქართველოს მე-5 პრეზიდენტი სალომე ზურაბიშვილი ფოთში ახალგაზრდებს, აქტივისტებსა და არასამთავრობო სექტორის წარმომადგენლებს შეხვდა. ამის შესახებ ინფორმაციას მისი პრესსამსახური ავრცელებს.

ამავე ცნობით, ადგილობრივებმა მე-5 პრეზიდენტს ფოთში პროტესტის მიმდინარეობისას ზეწოლის, დაშინებისა და შევიწროების ფაქტებზე მიაწოდეს ინფორმაცია, რომლის მიზანიც მათი თქმით, საზოგადოებაში შიშის დანერგვა და პროტესტის ჩახშობაა.

სალომე ზურაბიშვილის თქმით, ქვეყანაში პროტესტის მთავარი იარაღი არის საზოგადოება, ხალხის ერთად დგომა, მხარდაჭერა, სოლიდარობა და სულიერი შემართება.

„ მნიშვნელოვანია, რომ სახალხო პროტესტი მთელი საქართველოს მასშტაბით გაიშალა, აქტიურობენ რეგიონები და ამ პროცესების ეპიცენტრშია ბათუმი, სადაც დღეს უკვე ამ პროტესტმა კონკრეტული სახე და სახელი შეიძინა – მზია ამაღლობელი.

მე ვარ თქვენს გვერდით, თქვენთან და ბოლომდე ერთად ვიქნებით“, - განმარტა ზურაბიშვილმა.

ცნობისთვის, ორბელიანების სასახლის დატოვების შემდეგ, ქვეყნის მე-5 პრეზიდენტმა პრესკონფერენციაზე რეგიონებში ჩასვლა დააანონსა რეგიონებში ჩასვლა. ის ზუგდიდში 11 იანვარს იმყოფებოდა. ზურაბიშვილმა აქციაზე სიტყვით გამოსვლისას განაცხადა, რომ რეგიონულ ტურნე სწორედ ზუგდიდიდან დაიწყო, რადგან, მისი თქმით, ზუგდიდი არის ის ადგილი, რომელიც ყველაზე ახლოსაა ევროპასთან.


ამავე თემაზე:

მე, თქვენი სახელით, ზუგდიდის სახელით იქაც ჩავალ, ვაშინგტონში, - სალომე ზურაბიშვილი ზუგდიდის აქციაზე (ფოტო/ვიდეო)

ხვალ ზუგდიდში მივდივარ, ხალხთან, რომელსაც მხარდაჭერა სჭირდება - სალომე ზურაბიშვილი

11 იანვარს სალომე ზურაბიშვილი ზუგდიდის აქციას შეუერთდება - სამოქალაქო სოლიდარობის ფონდი