მესტიის მუნიციპალიტეტის მერია საკუთარ ბალანსზე რიცხული რვა ავტომობილის შეკეთებისთვის და ტექნიკური მომსახურებისთვის ადგილობრივი ბიუჯეტიდან 170 000 ლარს დახარჯავს. ამის შესახებ ინფორმაციას სახელმწიფო შესყიდვების ვებ გვერდზე ვკითხულობთ.

სატენდერო დოკუმენტაციის მიხედვით, პრეისკურანტის სავარაუდო ღირებულება 547 463ლარით განისაზღვრება.

კერძოდ, საუბარია ორი ტოიოტა „ჰაილუქსის“ (2013), ორი ტოიოტა ლენდ კრუიზერ „პრადოს“, ლექსუს „GX470“, ორი ტოიოტა ლენდ კრუიზერ-105-ს და მიცუბიშის პიკაპის ტიპის ავტომობილის ტექნიკურ მომსახურებაზე.

შესყიდვაში გამარჯვებული კომპანია ვალდებული იქნება ხელშეკრულებით გათვალისწინებული მოთხოვნები 2025 წლის 31 დეკემბრის ჩათვლით შეასრულოს.

ტენდერში პრეტენდენტებს წინადადებების წარდგენა 16-19 თებერვალს შეეძლებათ.