ახალი ამბები
დადიანების მუზეუმი 104 წლის გახდა
1 მაისი დადიანების სასახლეთა ისტორიულ-არქიტექტურული მუზეუმის დაარსების დღეა. 2025 წლისთვის მუზეუმი თავისი არსებობის 104 წელს ითვლის.

დადიანების სასახლის ადმინისტრაცია ფბ გვერდზე წერს, რომ მნიშვნელოვან თარიღთან დაკავშირებით, მუზეუმის ორივე სასახლის გამოფენები ვიზიტორებისთვის უფასო იქნება.

„1921 წლის 1 მაისს მუზეუმმა მიიღო პირველი დამთვალიერებელი, რაც მნიშვნელოვანი მოვლენა გახლდათ ქართული კულტურული მემკვიდრეობის დაცვისა და პოპულარიზაციის ისტორიაში.

მუზეუმის დამაარსებელი და პირველი დირექტორი გახლდათ აკაკი ჭანტურია (1881-1941), დაბადებული სოფელ ჩქვალერში, მღვდელ ივანე ჭანტურიასა და ხანძე შამუგიას ოჯახში. მან მიიღო მრავალმხრივი განათლება: პირველი ახალსენაკის სასულიერო სასწავლებელში, შემდეგ კი სწავლობდა ლონდონის უნივერსიტეტში, სადაც დაეუფლა გეოლოგიას, არქეოლოგიას, ეთნოგრაფიას, ისტორიას, კარტოგრაფიას, სამუზეუმო საქმეს, ფილოლოგიას და ხელოვნებას.

განათლების მიღების შემდეგ, 1920 წელს ინგლისელ მეუღლესთან, ქეთრინ უოლტერ ბოლთან ერთად საქართველოში დაბრუნდა. მისი მთავარი მიზანი ზუგდიდში მუზეუმის დაარსება იყო, მიუხედავად იმისა, რომ საქართველოს ეროვნულმა მთავრობამ მას შესთავაზა საგარეო საქმეთა მინისტრის პოსტი.

1921 წლის 1 მაისს აკაკი ჭანტურიას ძალისხმევით გაიხსნა მუზეუმი „სამეგრელოს მუზეუმის" სახელწოდებით. მუზეუმი დაფუძნდა დადიანების სასახლეში, სადაც მან უზრუნველყო არა მხოლოდ დადიანების ოჯახის კუთვნილი ნივთებისა და წიგნების, არამედ საეკლესიო საგანძურის შენარჩუნებაც.

აკაკი ჭანტურიამ მუზეუმის დირექტორის თანამდებობაზე იმუშავა 1940 წლის 23 იანვრამდე, მიუხედავად იმისა, რომ 1937 წლიდან ის განიცდიდა პოლიტიკურ დევნას, მან შეძლო მუზეუმის ფუნდამენტის ჩაყრა და ისტორიული მემკვიდრეობის გადარჩენა”, - წერს ადმინისტრაცია.
დღეისათვის მუზეუმის ფონდები მოიცავს მრავალ უნიკალურ ექსპონატს, რომლებიც ასახავენ სამეგრელოს სამთავროს მდიდარ ისტორიას.

დადიანების სასახლეთა ისტორიულ-არქიტექტურული მუზეუმი წარმოადგენს ეროვნული მნიშვნელობის კულტურულ ცენტრს, რომელიც ინახავს და იკვლევს საქართველოს ისტორიის მნიშვნელოვან ნაწილს.

Print Email
FaceBook Twitter
დაფინანსებული
სენადექსინი საფაღარათო საშუალებაა, რომელიც სინამაქის ფოთლების მშრალ ექსტრაქტს შეიცავს.
ზუგდიდის დიაგნოსტიკურ ცენტრ “ჯან-მედის” გინეკოლოგიური განყოფილება ტექნიკური და პროფესიული განვითარების ახალ ეტაპზე გადავიდა. კლინიკაში დამონტაჟდა უახლესი თაობის დიაგნოსტიკური აპარატი - კოლპოსკოპი.
ეუკარბონი საქართველოში ერთ-ერთი ყველაზე პოპულარული მედიკამენტია, რომელიც იმ დროს უნდა მიიღოთ, როდესაც ყაბზობა და მასთან დაკავშირებული სიმპტომები "შემოგიტევთ".
სტატია
დღის სიახლეები
31 / ივლისი 2025
დღევანდელ გადაცემაში საუბარია მეგრულ ტრადიციულ გართობასა და თამაშებზე – როგორ აერთიანებდნენ ფიზიკურ სიმარდეს, გონიერებასა და გუნდურობას მარულა-ჯირითში, ქუდობაიაში, ჭიდაობასა და სხვა სახალხო თამაშებში.
24 / ივლისი 2025
სამეგრელოში ბავშვების აღზრდა მხოლოდ ოჯახის საზრუნავი არ იყო – ეს იყო მთელი საზოგადოების საქმე. ხალხური წესები და ტრადიციები ბავშვს დაბადების პირველივე დღიდან თან ახლდა. ისინი არა მხოლოდ ზრუნავდნენ ფიზიკურ ზრდაზე, არამედ აყალიბებდნენ პიროვნებასაც – თავისი წესებით, რიტუალებითა და ღირებულებებით.დღევანდელ გადაცემაში გაგაცნობთ იმ საინტერესო წეს-ჩვეულებებს, რომლებიც ბავშვობის ყველა ეტაპს თან სდევდა და რომლებიც დღესაც აღაფრთოვანებს მკვლევრებსა და თაობებს.
17 / ივლისი 2025
ნოდი", ანუ "ნადი", არ იყო მხოლოდ შრომითი ურთიერთდახმარების გრაფიკი ან ტრადიცია. ეს, ძირითადად, იყო კოლექტიური შრომის ერთ-ერთი გზა, როცა ადამიანები ერთობლივად მუშაობდნენ, ხშირად სანაცვლოდ, ერთად. პატარა ოჯახში შრომის სქესობრივი დანაწილება ვერ ხდებოდა ყოველთვის, მაგრამ კოლექტიურ შრომაში ეს პროცესი მაინც იცვლებოდა.დღევანდელ გადაცემაში საუბარია თუ როგორ მიმდინარეობდა "ნოდის" ტრადიცია, როგორ ნაწილდებოდა დღის განმავლობაში შრომის ფუნქციები და როგორ უნდოდა თითოეულ წევრს, რომ ამ პროცესში საკუთარი როლი ეპოვა.
დილის ჩართვა
ოდაბადეშ კინოხონი
დადიანების სასახლეთა საგანძური
ჩვენი თვითმმართველობა
არქივი
«« აგვისტო 2025 »»
28293031 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
ამინდი
ზუგდიდი 17 °C
img
სოხუმი 15 °C
img
ფოთი 15 °C
img
მესტია 5 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.