გალის რაიონში დააკავეს თურქეთისა და აზერბაიჯანის მოქალაქეები დააკავეს. ინფორმაციას აფხაზეთის დე ფაქტო რესპუბლიკის „სახელმწიფო უსაფრთხოების სამსახური“ ავცრელებს.
ამავე ცნობით, რუსეთის უსაფრთზოების ფედერალური სამსახურის სასაზღვრო სამმართველოსთან ერთად, მათ „სახელმწიფო საზღვრის“ უკანონო გადაკვეთის არხი“, გამოავლინეს და უცხო ქვეყნის მოქალაქეების ორი ჯგუფი დააკავეს.

„ერთ ჯგუფში შედის თურქეთის ორი მოქალაქე: 1997 წელს დაბადებული სელჩუკ გურენი, რომელიც, ოპერატიული მონაცემების თანახმად, ინტერპოლის მიერ საერთაშორისო ძებნაშია თურქეთში ადრე ჩადენილი შეკვეთილი მკვლელობისთვის და 2001 წელს დაბადებული დოგან ბერსანი, რომელიც ასევე მკვლელობისა და ნარკოტიკების გავრცელებისთვის იძებნება“, - ნათქვამია ინფორმაციაში.

უწყების ცნობით, 26 მაისს, დააკავეს აზერბაიჯანის მოქალაქეები: 1974 წელს დაბადებული აზიზოვი ჰასან ეთიბარ ოღლუ და 1990 წელს დაბადებული თაჰმაზლი ნამაზ თაჰმაზ ოღლუ.

დე ფაქტო სუს - ის ინფორმაციით, მათ სცადეს ოკუპირებულ აფხაზეთში დამალვა, რათა თავიდან აეცილებინათ სისხლისსამართლებრივი პასუხისმგებლობა.

სახელმწიფო უშიშროების სამსახური არ აკონკრეტებს, სად და რა მიზნით მიდიოდნენ დაკავებული თურქეთის მოქალაქეები, წერს „ეხო კავკაზა“.

აქვე აღნიშნულია, რომ აღძრულია სისხლის სამართლის საქმე, მიმდინარეობს გამოძიება.

თბილისში ჯერჯერობით არავითარი კომენტარი არ გაუკეთებიათ აფხაზური მხარის მიერ უცხო ქვეყნის მოქალაქეების დაკავებასთან დაკავშირებით.