სტატია
ოკუპაციაზე გამარჯვებული აბიტურიენტები - განათლებისთვის გაწეული რისკი
27 ივნისს, როდესაც დე ფაქტო აფხაზეთის რესპუბლიკის მთავრობამ ერთადერთი გამშვები პუნქტი - ენგურის ხიდი  ჩაკეტა, ოკუპირებულ ტერიტორიაზე სხვა მოქალაქეებთან ერთად აბიტურიენტები ჩარჩნენ. რამდენიმე მათგანმა, მას შემდეგ, რაც სხვა გამოსავალი ვერ იპოვა, გადაწყვიტა, საკუთარი სიცოცხლისა და ჯანმრთელობის რისკის ფასად, ზუგდიდში გადმოსულიყო და ასე უმაღლესი განათლების მიღების შანსი ხელიდან არ გაეშვა. ლევანი (პირობითად) ერთ-ერთი მათგანია. (რადიო "ათინათმა" რესპონდენტების სახელები შეგნებულად შეცვალა. ჩვენ მათ პირობითი სახელებით გაგაცნობთ). მას ახლა უკვე საკუთარ ხელებზე აქვს ოკუპაციის კვალი. 28 ივნისის ღამით, როდესაც ერთ-ერთ საოკუპაციო ხაზთან ე.წ. საზღვრის გადმოკვეთას ცდილობდა, მავთულხლართებმა ხელები დაუსერა. მომავალმა სოციოლოგმა ქართული ენისა და ლიტერატურის ტესტები უკვე დაწერა. მისი მეგობრები გვიყვებიან, რომ თავიდან კონცენტრირება გაუჭირდა, თუმცა, საბოლოოდ, მოახერხა და ახლა სხვა გამოცდებისთვის ემზადება.

ლევანთან ერთად ცდილობდა იმ ღამით 16 წლის  აკაკიც. დეტალურად იხსენებს, როგორ ცდილობდნენ რუსი სამხედროებისგან დამალულიყვნენ, როგორ გადმოლახეს ადიდებული მდინარე და ვინც მავთულხლართს გადაურჩა, როგორ რჩებოდა ფეხები ტალახსა და ეკალ-ბარდებში ბნელ ღამეს.

„27-ში ჩაგვიყვანეს, გალის ადმინისტრაციამ სკოლები გააფრთხილა, რომ გამოსაშვები საღამოსთვის იქ უნდა ვყოფილიყავით. ჩვენ ეროვნული გამოცდებისთვის ვემზადებოდით და სხვა გზა რომ არ იყო, მალული გზით გვინდოდა გადმოსვლა. შიშის ფაქტორი, რა თქმა უნდა, იყო. ორმეტრნახევრიანი, ორმაგი მავთულხართები, უიარაღო ვერ შეძლებს, ის გამოხსნას და გადმოვიდეს. შემდეგ ჩვეულებრივი გადმოსასვლელი ვნახეთ. ეკალ-ბარდებში გავიარეთ, ტალახით გამოვედით, ასე, დაახლოებით, ზოგი აიყოლია შიშმა და შუა გზაზე გაჩერდა, მაგრამ წამოვიყვანეთ და ასე გადმოვიარეთ მდინარე, მანამდე, ალბათ, 300-400 მეტრი ვიარეთ.  ერთ-ერთი გზას ასცდა, ხეზე აძვრა, ხიდან ტოტი მოძვრა, ზუსტად მავთულხლართზე დაეცა და ხელი გაეჭრა“, - უყვება რადიო "ათინათს" აკაკი.

მათი თანაკლასელი თამარისთვის საოკუპაციო ხაზის ასე, რისკის ფასად გადმოლახვა განსაკუთრებულად რთული აღმოჩნდა. იხსენებს, რომ შეშინებული იყო და ცრემლებს ვერ იკავებდა. განსაკუთრებით მაშინ შეეშინდა, როცა რუსი ე.წ. მესაზღვრეები მანქანით დაინახეს.

„რუსები რომ დავინახეთ მანქანით, ვცდილობდით, როგორმე დავმალულიყავით და საბედნიეროდ, მოვახერხეთ კიდეც. ძალიან გვაძლიერებდა ქართველი ჯარისკაცების შეძახილები, როგორ გვგულშემატკივრობდნენ და როგორც კი გადმოვედით, როგორც დაგვეხმარნენ იქ მყოფები“, - იხსენებს 17 წლის გოგონა.

მოსწავლეები ამბობენ, რომ ე.წ. საზღვრის გადმოლახვამდეც და ამ მომენტშიც, ფიქრობდნენ, რა შეიძლებოდა მომხდარიყო, თუკი, რუსები დაიჭერდნენ. ყველაზე უკეთეს შემთხვევაში, მათ ჯარიმის გადახდა მოუწევდათ, თუმცა, არსებობდა საფრთხე, რომ ფიზიკურად გასწორებოდნენ, შემდეგ კი დროებითი მაცხოვრებლის სტატუსი გაეუქმებინათ და საკუთარ სახლებში ჩასვლა წლობით აეკრძალათ.

ჩვენ მათ ვკითხეთ, ამ რისკების მიუხედავად, რატომ აირჩიეს ეროვნულ გამოცდებში მონაწილეობის მისაღებად ეს გზა. აკაკიმ გვითხრა, რომ განათლების მისაღებად და უკეთესი მომავლისთვის შიშის ფაქტორი დაძლია. ის მომავალი ექიმია და სურს, ყველაზე მეტად, საკუთარ კუთხეს გამოადგეს. თამარს კი ფილოლოგობა სურს. 

ახლა ორივე მათგანი და სხვა აბიტურიენტები, რომელთაც ენგურის ხიდის გადმოკვეთა მოახერხეს, სხვა საგნების გამოცდებისთვის ემზადებიან.









Print Email
FaceBook Twitter
რ ე კ ლ ა მ ა
"ქართული ოცნების" ზუგდიდის მაჟორიტარი დეპუტატობის კანდიდატი ირაკლი ჩიქოვანი ვიდეო მიმართვას ავრცელებს და მოქალაქეებს მეორე ტურზე აქტიურობისკენ მოუწოდებს.
„საქართველოს თხილის მწარმოებელთა ასოციაციასა და „ლიბერთი ბანკს“ შორის გაფორმდა ურთიერთთანამშრომლობის მემორანდუმი რომლითაც ასოციაციის წევრი ფერმერებისათვის იქმნება ახალი შესაძლებლობები. 
ზუგდიდის მუნიციპალიტეტის ჯუმის ადმინისტრაციულ ერთეულში ახალი საბავშვო ბაღის მშენებლობა მიმდინარეობს.
კორონავირუსი
გასული დღე-ღამის განმავლობაში კორონავირუსით გამოწვეული გართულებებით სამეგრელოში 2 ადამიანი გარდაიცვალა.
27 ნოემბრის მონაცემებით აფხაზეთში კორონავირუსზე 206 ადამიანი გამოიკვლიეს და მათგან 66-ს ინფექცია დაუდასტურდა.
ქვეყნის მასშტაბით ბოლო 24 საათის განმავლობაში გამოვლენილია ვირუსით ინფიცირების 4 472 ახალი დადასტურებული შემთხვევა, გამოჯანმრთელდა 4 058 პირი,
საზოგადოება
გარემოს დაცვისა და სოფლის მეურნეობის მინისტრის, ლევან დავითაშვილის გაცხადებით, სახელმწიფო პირველი ხარისხის ხორბლის ფქვილს დაასუფსიდირებს. მისივე თქმით, მთავრობა ამისთვის, დაახლოებით, 10 მილიონ ლარს დახარჯავს.
28 ნოემბრიდან მაღაზიები, რესტორნები, ფიტნეს ცენტრები და საცურაო აუზები იხურება, საზოგადოებრივი და საქალაქთაშორისო ტრანსპორტი კი მუშაობას აჩერებს. გამკაცრების შესახებ გადაწყვეტილება უწყებათაშორისმა
ზუგდიდის მუნიციპალიტეტში მცხოვრები ია ბიგვავა პატრულ-ინსპექტორს თენგიზ ყოლბაიას სამსახურებრივი უფლებამოსილების არამიზნობრივ გამოყენებაში ადანაშაულებს.
ამავე კატეგორიაში
დღის სიახლეები
28 / ნოემბერი 2020
გასული დღე-ღამის განმავლობაში კორონავირუსით გამოწვეული გართულებებით სამეგრელოში 2 ადამიანი გარდაიცვალა.
28 / ნოემბერი 2020
27 ნოემბრის მონაცემებით აფხაზეთში კორონავირუსზე 206 ადამიანი გამოიკვლიეს და მათგან 66-ს ინფექცია დაუდასტურდა.
28 / ნოემბერი 2020
ქვეყნის მასშტაბით ბოლო 24 საათის განმავლობაში გამოვლენილია ვირუსით ინფიცირების 4 472 ახალი დადასტურებული შემთხვევა, გამოჯანმრთელდა 4 058 პირი,
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 6 °C
img
სოხუმი 10 °C
img
ფოთი 10 °C
img
მესტია -6 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.