ახალი ამბები
ზუგდიდის ბაზარში სააღდგომოდ ხალხის სიმცირეს უჩივიან (ფოტო/ვიდეო)
ზუგდიდის ცენტრალურ სუპერმარკეტში სხვა დღეებთან შედარებით სააღდგომოდ მეტი ხალხი დადის, თუმცა, წინა წლების გათვალისწინებით, მყიდველების რაოდენობა შემცირებულია. ამას თავად ბაზრის მოვაჭრეები ამბობენ და მომხმარებლების სიმცირეს უჩივიან.

მიუხედავად იმისა, რომ კონკრეტულად სააღდგომოდ ფასების მომატებას არ აღნიშნავენ, განმარტავენ, რომ პროდუქტის ფასმა საკმაოდ მოიმატა და შესაძლოა, კლიენტების სიმცირეც ამას უკავშირდებოდეს.

"სააღდგომოდ, რა თქმა უნდა, ყველაფერს ყიდულობენ, მაგრამ საქართველოში კარტოფილის ფასი რომ ამხელაა, ხახვი, კომბოსტო - ეს მიუღებელია. გაძვირებულია ყველაფერი, ამ დროს კი ხალხი რა დღეშია, ყველამ კარგად ვიცით. შემოდიან და თითო-თითო კინკილა რაღაცას ძლივს ყიდულობენ. ადგილობრივი ვაშლი 2 ლარზე ნაკლებად არ არის არც ერთი, შემოტანილი თურქული კიდევ უარესი. აღდგომამდე როგორც ღირდა, ისე არის დღესაც, ზოგადად არის გაძვირებული. ძალიან დიდი კრიზისია, მომხმარებელი ნაკლებია, ახლა მეტ-ნაკლებად აღდგომის დღეებში მოდიან, ისე კი ფაქტობრივად აღარ დადის ხალხი", - ამბობს  გულო ბენდელიანი.

მომატებულ ფასებზე საუბრობენ ხორცის და ყველის გამყიდველებიც. მაგალითად, სულუგუნის ფასი 22 ლარია, ხმელი ყველი 26 ლარი ღირს, ჭყინტი კი - 16.  რაც შეეხება ხორცს, ღორისა და საქონლის ხორცის ფასი, 14-დან 18 ლარამდე მერყეობს, თუმცა მყიდველი აქაც ცოტაა.

"გაღარიბებულია საქართველო, ხალხი გაღარიბდა, ვდგავარ და ვდარაჯობ ბაზრის ტერიტორიას", - გვეუბნება ბაზარში მომუშავე იამზე ბულია.

პროდუქტის სიძვირეზე საუბრობენ  მყიდველებიც, თუმცა, სააღდგომოდ აუცილებელი პროდუქტების შეძენას მეტ-ნაკლებად მაინც ახერხებენ.

"რაც სააღდგომო სუფრას ტრადიციულად სჭირდება, წელსაც ალბათ იმავე პროდუქტის საყიდლად გამოვალთ და შევიძენთ, ფასებს რაც შეეხება, ინფლაციასთან, კორონასთან, ომთან დაკავშირებული მიზეზებით ფასები მომატებულია და ბევრი რამის ყიდვა შეიძლება მომხმარებელს გაუჭირდეს", - ამბობს ზუგდიდელი ირაკლი ბუკია.

განსხვავებულია პასკის ფასი და ზომის მიხედვით, 4-დან 20 ლარამდე მერყეობს. 10 კვერცხს, დაახლოებით, 4.40 ლარიდან 5.50-მდე შეიძენთ, საშუალო ზომის ქათამს კი 15-დან 25 ლარამდე იყიდით. 

"ზოგადად, ვიტყოდი რომ ფასები არის მომატებული, დაახლოებით, 30%-ით. შესაბამისად, სოფლის პროდუქტზეც აისახება ეს. იქიდან გამომდინარე, რომ დასაქმებული ვარ, მეტ-ნაკლებად ვახერხებ პროდუქტის შეძენას, თუმცა მათთვის, ვინც არ მუშაობს, ალბათ, რთულია", - გვითხრა მყიდველმა ბესო ხუფაცარიამ.

ზუგდიდის ბაზარი ქალაქისა და მუნიციპალიტეტის მასშტაბით ყველაზე დიდი სავაჭრო ობიექტია, სადაც მყიდველები ოკუპირებული გალიდანაც მოდიან.
Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
ამავე კატეგორიაში
დღის სიახლეები
19 / მარტი 2024
საქართველოს პრემიერ - მინისტრის განცხადებით, საპატრიარქოს საგანმანათლებლო პროექტების დაფინანსება 5 მილიონი ლარით გაიზარდა, რაც ჯამში 60 მილიონ ლარს გულისხმობს.
19 / მარტი 2024
რუსეთიდან ოკუპირებულ აფხაზეთში ელექტროენერგიის „სოციალური ნაკადის“ მიწოდება დასრულდა, ამის შესახებ კომპანია ჩერნომორენერგოს“ წარმომადგენელმა ალხას გაგულიამ განუცხადა ადგილობრივ მედიას. 
18 / მარტი 2024
საქართველოს პრეზიდენტის სალომე ზურაბიშვილის განცხადებით, ოკუპირებულ რეგიონებში რუსეთის ფედერაციის საპრეზიდენტო არჩევნების ჩატარება ყოვლად უკანონო და მიუღებელია.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 10 °C
img
სოხუმი 13 °C
img
ფოთი 11 °C
img
მესტია 6 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.