სტატია
"ქართულო ოცნების" უმრავლესობა სენაკის საკრებულოში და "საია"-ს დავა მთავრობის წინააღმდეგ
არასამთავრობო ორგანიზაცია „საია“ სასამართლოში დავას ამჯერად ამჯერად საქართველოს მთავრობის წინააღმდეგ აწარმოებს. ორგანიზაციის იურისტები ხელისუფლებისგან შესაბამისი დადგენილების გამოტანას მოითხოვენ, რომელიც სენაკის საკრებულოს დაშლასა და რიგგარეშე არჩევნების ჩატარებას გადაწყვეტს. „საია“- ში ამბობენ,რომ რადგან სენაკის საკრებულო ბოლო 6 თვის განმავლობაში არ შეკრებილა, რიგგარეშე არჩევნების ჩატარება აუცილებელია და ამის კანონიერი საფუძველი ადგილობრივი თვითმმართველობის კოდექსის 142-ე მუხლით არის გარანტირებული.

„ველოდებით სასამართლოს, რომელმაც უნდა გადაწყვიტოს, ვალდებულია თუ არა სახელმწიფო გამოსცეს დადგენილება,რომლის მიხედვითაც სენაკის საკრებულის ამჟამინდელი შემადგენლობა ბათილად გამოცხადდება...“ - ამბობს „საია“-ს იურისტი თამთა წვერაიძე.

2021 წლის ადგილობრივი თვითმართველობის არჩევნების შედეგების მიხედვით სენაკის საკრებულოში „ქართული ოცნების“ 16 წევრი შევიდა,13 მანდატი ეკუთვნოდა პარტია „ნაციონალურ მოძრობას“, 4 მანდატი კი გიორგი გახარიას პარტიამ „საქართველოსთვის“ მიიღო.

ცენტრალურმა საარჩევნო კომისიამ სენაკის საკრებულოში ერთი წევრის ჩასანაცვლებლად არჩევნები მას შემდეგ ჩანიშნა, რაც პარტია „ნაციონალური მოძრაობის“ ერთმა წევრმა დატოვა, შესაბამისად, საკრებულოში ოპოზიციის და ხელისუფლების ძალები გათანაბრდა და ორივე მხარეს 16-16 მანდატი დარჩა. შუალედური არჩევნების შედეგებით კი მმართველ პარტიას საკრებულოში ერთი ახალი წევრი დაემატა. გამოდის, რომ „ქართულ ოცნებას“ დღეს სენაკის საკრებულოში უმრავლესობა ანუ 17 მანდატი აქვს. საკრებულოს ოპოზიციონერი წევრები სასამართლოს მიერი მიღებულ ბოლო გადაწყვეტილებაში ხელისუფლების ინტერესებს ხედავენ.
„ქართულმა ოცნებამ“ ჯერ ჩვენი წარმომადგენელი მოისყიდა,რადგან მანდატები გათანაბრებულიყო, სასამართლოს გადაწყვეტილება კი ხელისუფლების ინტერესებს ემსახურება“, - ამბობს რადიო "ათინათთან“ ინტერვიუში "ნაციონალური მოძრაობის" წევრი ლაშა კუჭავა და დასძენს, რომ ოპოზიციური პარტია ბრძოლას საკრებულოდან განაგრძობს.

სასამართლოს პირველებმა სენაკის საკრებულოს „ქართული ოცნების“ დეპუტატებმა მიმართეს, ისინი სენაკის რაიონულ სასამრთლოს თხოვდნენ, რომ გაეუქმებინა 9 თებერვლიდან 21 თებერვლის ჩათვლით მიღებული ყველა გადაწყვეტილება, მათ შორის, თავმჯდომარის უფლებამოსილება შეეწყვიტა პარტია „საქართველოსთვის“ წევრს ირაკლი კაჭარავასთვის. სასამართლომ ამჯერად სარჩელი დააკმაყოფილა.

„სასამართლო სისტემამ ყველა დონეზე ის გადაწყვეტილება მიიღო, რომელიც მხოლოდ „ქართულ ოცნებას“ აწყობდა, ვგულისხმობ სენაკის სასამრთლოს პირველ გადაწყვეტილებას და შემდგომ საიას სარჩელსაც.ბოიკოტის რეჟიმი განიხილებოდა, თუმცა საკრებულოში მუშაობას ჩვეულებრივად გავაგრძელებთ. არალეგიტიმურად მიგვაჩნია ახალი არჩევნებიც,რომლითაც საკრებულოს თავმჯომარე უნდა აირჩეს“, - ამბობს საკრებულოს ყოფილი თავმჯომარე ირაკლი კაჭარავა.

„ქართული ოცნების“ გუნდის წევრები კი უარყოფენ ყველა წაყენებულ ბრალდებას, მათ შორის „ნაციონალური მოძრაობის“ წევრის მოსყიდვის შესახებ.

„თვითონ ჩადიოდნენ უკანონობას და ჩვენ ამაში მხარს ვერ დავუჭერდით. მსოფლიოს არ ახსოვს მსგავსი ანალოგი. მოსყიდვა თავიანი ხელისუფლების მხარეს მოიკითხონ“, - გვეუბნება მმართველი პარტიის წევრი ინგა ქარდავა.

სენაკის საკრებულოში თავმჯომარის სავარძელი ადგილობრივი თვითმართველობის არჩევნებიდან ერთი წლის თავზე კვლავ თავისუფალია. დეპუტატებმა უახლოეს კვირებში უნდა იმსჯელონ თავმჯდომარის არჩევნების თარიღის ჩანიშვნასთან დაკავშირებით.






Print Email
FaceBook Twitter
რ ე კ ლ ა მ ა
ჩეხეთის რესპუბლიკის კარიტასმა რუხისა და ბათუმის ჰოსპიტლებს ონკო-გინეკოლოგიური სერვისებისთვის საჭირო 142 000 ევროს ღირებულების სამედიცინო აღჭურვილობა გადასცა.
29 ნოემბერს, ქალთა მიმართ ძალადობის წინააღმდეგ ბრძოლის გლობალური კამპანიის ფარგლებში, ქალთა ფონდი „სოხუმის“ ახალი მონიტორინგის ანგარიშის - „ბავშვთა უფლებების დაცვის და მხარდაჭერის განყოფილებების ეფექტიანობის შეფასება და არსებული გამოწვევები“ პრეზენტაცია გაიმართა.
ზუგდიდის ცენტრალურ ბიბლიოთეკაში წიგნების სერიის "ჩემი მეგრული ჯადოსნური ზღაპრების" პირველი წიგნის "კაჟანდიი ქერქუუს არიკის" პრეზენტაცია გაიმართა.
საზოგადოება
ზუგდიდში თანამედროვე ხელოვნების ფესტივალი "f 5" განახლდა. ფესტივალის პირველი სტუმარი მოდერატორთან ერთად მწერალი ნენე კვინიკაძეა.
ზუგდიდის მუნიციპალიტეტის მერიის სოციალური დაცვის და გენდერული თანასწორობის განყოფილების უფროსი გოგი რევია, პარლამენტის გენდერული თანასწორობის საბჭოს კონკურსის
"საქართველოს მუზეუმელთა ალიანსის" პირველ ყრილობაზე, რომელიც თბილისში გაიმართა, ქართულ სამუზეუმო ისტორიაში პირველად, 3 "საუკეთესო მუზეუმელი" გამოავლინეს,
ამავე კატეგორიაში
დღის სიახლეები
06 / დეკემბერი 2022
გარემოსდაცვითი ზედამხედველობის დეპარტამენტის ინფორმაციით, 2022 წლის 01 ნოემბრიდან 30 ნოემბრის ჩათვლით, უკანონო ტყითსარგებლობის 569 ფაქტი გამოავლინდა,
06 / დეკემბერი 2022
7 დეკემბრიდან აფხაზეთის დე ფაქტო რესპუბლიკაში ელექტროენერგიაზე ისევ შეზღუდვები დაწესდება და "მარაოსებრი" გრაფიკი ამოქმედდება. ინფორმაციას აფხაზური ენერგოკომპანია "ჩერნომორენერგო" ავრცელებს.
05 / დეკემბერი 2022
აფხაზეთის დე ფაქტო რესპუბლიკის "სახელმწიფო უსაფრთხოების სამსახურში" განაცხადეს, რომ უწყება შესაძლო ტერორისტული საფრთხის
დილის ჩართვა
მთავარი საინფორმაციო გამოშვება
არქივი
«« დეკემბერი 2022 »»
282930 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1
ამინდი
ზუგდიდი 10 °C
img
სოხუმი 12 °C
img
ფოთი 8 °C
img
მესტია 2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.