სტატია
დეპუტატები სამეგრელოდან, რომლებმაც "უცხოეთის აგენტების შესახებ" კანონს მხარი დაუჭირეს
საქართველოს პარლამენტმა, გუშინ დაჩქარებული წესით, განიხილა კანონპროექტი "უცხოური გავლენის გამჭვირვალობის შესახებ". საზოგადოებამ ახალი კანონი მალევე შეაფასა, როგორც რუსული კანონის ანალოგი, რომელმაც პუტინის რუსეთში მთლიანად გააქრო კრიტიკული აზრი. მოლოდინი აქაც იგივეა, თუმცა, მოქალაქეების დიდი ნაწილი მიიჩნევს, რომ ამ შემთხვევაში სასწორზე საქართველოს ევროპული მომავალი დევს.

საკითხის სასესიო კენჭისყრას წინ უძღოდა საზოგადოების და პარტნიორი ქვეყნების საელჩოების კრიტიკული პოზიცია "ხალხის ძალის" მიერ ინიცირებულ კანონის შესახებ, თუმცა "ქართულმა ოცნებამ" კანონი პირველივე მოსმენით მიიღო. მის ინიციატორებსა და მხარდამჭერებს შორის სამეგრელოს სხვადასხვა მუნიციპალიტეტის მაჟორიტარები და წარმოშობით ადგილობრივი დეპუტატებიც არიან.

ირაკლი (დაჩი) ბერაია, რომელიც "ხალხის ძალასთან" ერთად ახალი პრორუსული კანონის ერთ-ერთი ინიციატორი და მხარდამჭერია, ფიქრობს, რომ რუსთაველის გამზირზე დემონსტრანტების დარბევა პროპორციული ძალებით მოხდა.

"ადამიანებმა, რომლებმაც კანონი დაარღვიეს, დაამტვრიეს პარლამენტის შენობის შუშები, ქვები ესროლეს პოლიციელებს, დაწვეს პოლიციის მანქანა, დააზიანეს ტექნიკა, - ამასთან დაკავშირებით ჩემ პასუხისმგებლობას ვგრძნობ თუ არა? გამოიყენეს ე.წ მოლოტოვის კოქტეილი. პასუხისმგებლობა ამ ყველაფრის ორგანიზატორებმა უნდა იგრძნონ", - უთხრა მან რადიო "ათინათს".

კიდევ ერთი მაჟორიტარი სამეგრელოდან, რომელმაც საზოგადოების დიდი ნაწილისთვის მიუღებელ კანონს მხარი დაუჭირა, ირაკლი ჩიქოვანია. ისიც მიიჩნევს, რომ გუშინდელ დემონსტრაციაზე პოლიციამ პროპორციული ძალა გამოიყენა.

"ჩვენ რაც დავინახეთ რუსთაველზე, იყო ადამიანების პროტესტი, ვისაც არ უნდა ამ ქვეყანაში რუსული კანონის მიღება, მაგრამ ჩვენ დავინახეთ ისიც, რომ ამ საკითხით მანიპულირება ხდებოდა ოპოზიციის და მათთან დაკავშირებული მედიასაშუალებების მხრიდან, შინაარსში შესვლის გარეშე. პოლიციამ უმაღლესი ადამიანის უფლებების სტანდარტი და ძალიან დიდი მოთმინება დაანახა ყველას. მაშინ როცა კონკრეტული პოლიციელები დაშავდნენ და ცეცხლი გაუხსნეს სამართალდამცველებს".

რუსულ კანონს მხარი დაუჭირეს ედიშერ თოლორაიამ, გრეტა წიწავამ და ირაკლი ბერაიამაც. სამივე მათგანი პარლამენტში პარტიული სიით მოხვდა.

პარლამენტში კანონპროექტის განხილვა დემონსტრაციის ფონზე მიმდინარეობდა, რუსთაველის გამზირზე ხალხის რაოდენობა კანონის პირველი მოსმენით დამტკიცების შემდეგ გაიზარდა.

შინაგან საქმეთა სამინისტრომ აქციის მონაწილეები რამდენჯერმე დაარბია. ძალოვნებმა გამოიყენეს წყლის ჭავლი და ცრემლსადენი გაზი. დაშავდა რამდენიმე მოქალაქე. ამასთან, პოლიციამ 66 დემონსტრანტი დააკავა და მათ წინააღმდეგ ადმინისტრაციული წესით დაიწყო საქმის წარმოება.


მასალაში გამოყენებულია რადიო თავისუფლების ფოტომასალა.
Print Email
FaceBook Twitter
დაფინანსებული
ელექტრონული კომერცია საქართველოში სწრაფი ტემპებით ვითარდება.
თანამედროვე სამყაროში ჩვენი ყოველდღიური რუტინის გასაუმჯობესებლად, საყოფაცხოვრებო ტექნიკა შეუცვლელ როლს თამაშობს.
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
ამავე კატეგორიაში
დღის სიახლეები
24 / აპრილი 2024
სურსათის ეროვნული სააგენტოს ინფორმაციით, 2024 წლის 1 იანვრიდან 31 მარტის ჩათვლით, სხვადასხვა საზოგადოებრივი კვების ობიექტის, საბავშვო ბაღებისა და სკოლების კვების ბლოკებში 971 ადმინისტრაციული
24 / აპრილი 2024
ხუთშაბათს, 25 აპრილს 17:00 საათზე, ზუგდიდში პოლიტიკური და საზოგადოებრივი ჯგუფი "აგენტების' კანონთან დაკავშირებით მოქალაქებს შეხვდება, მოგვიანებით კი, იუსტიციის სახლიდან საპროტესტო მსვლელობაც დაიძრება.
24 / აპრილი 2024
სახალხო დამცველის აპარატის მიერ გამოქვეყნებულ ანგარიშზე დაყრდნობით, 2023 წელს სამეგრელოსა და სხვა რეგიონების სამედიცინო დაწესებულებებში ინფექციის პრევენციისთვის საჭირო პროცესის დარღვევები გამოვლინდა.
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
ჩვენი თვითმმართველობა
არქივი
ამინდი
ზუგდიდი 26 °C
img
სოხუმი 24 °C
img
ფოთი 26 °C
img
მესტია 12 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.