რეგიონი
მიუღებელი ფერები - რატომ წაშალეს ცისარტყელა წალენჯიხის ერთ-ერთი სკოლის ფასადიდან

სოფელ ლიის საჯარო სკოლის კედელზე თანასწორობის იდეის გამოსახატად ეს კომპოზიცია 2022 წლის სასწავლო წლის დაწყებამდე ცოტახნით ადრე დაიხატა.

საჭირო სახსრები ერთ-ერთმა არასამთავრობო ორგანიზაციამ გამოყო, თუმცა, აღმოჩნდა, რომ ნახატის ყველაზე ფერადი დეტალი - ცისარტყელა, სკოლის ადმინისტრაციისთვის მიუღებელი აღმოჩნდა და ნახატის ეს ნაწილი მალევე გადაღებეს.

კომპოზიციის ყველა დეტალი სკოლის ადმინისტრაციასთან შეთანხმებული იყო, რაც რადიო "ათინათს" ლიაში მერის წარმომადგენელმა თამთა ფიფიამ და პროექტის კოორდინატორმა ნანა გოგოხიამ დაუდასტურეს.

"პროექტის ფარგლებში მცირე სათემო ინიციატივების განხორციელება იყო დაგეგმილი. ეს ნახატი ადგილობრივი ქალების ინიციატივას წარმოადგენდა, რომელთა შვილებიც ამ სკოლაში სწავლობენ. თვითონ მოიძიეს ნახატი, ყველა საქმის კურსში იყო, სკოლის ადმინისტრაციაც და რესურსცენტრიც. ძალიან მნიშვნელოვანი მიზანი ჰქონდა ამ ნამუშევარს, როცა 2022 წლის სასწავლო წელი დაიწყო, ბავშვებს დახვდათ ფერადი კედელი, რამაც დიდი სიხარული გამოიწვია მათში. ცისარტყელა მშობლებისთვის გასხივოსნებულ, მშვიდობიან მომავალთან ასოცირდებოდა. ვიმედოვნებ,რომ გაუგებრობა იყო და უკეთეს ნახატს შექმნიან ადგილზე", - უთხრა რადიო "ათინათს" პროექტის კოორდინატორმა ნანა გოგოხიამ.

სოფელ ლიაში მერის წარმომადგენელმა თამთა ფიფიამ გვითხრა, რომ სკოლის დირექციისგან მალევე შეიტყო გადაწყვეტილებაზე, რომ ნახატიდან ცისარტყელა უნდა წაეშალათ. უთხრეს, რომ ცისარტყელას ფერები ადმინისტრაციისთვის გამაღიზიანებელი და მიუღებელი აღმოჩნდა.

"ეს იყო სათემო პროექტი, თემად ავირჩიეთ გენდერული თანასწორობა. კედელზე დავხატეთ წიგნების გორა, რომელზეც თანაბარ სიმაღლეზე დგანან გოგო და ბიჭი. ცისარტყელა თავიდან იყო მიხატული, მაგრამ გადაიშალა. ვერ გეტყვით, რატომ წაშალეს... სკოლის ინიციატივა იყო. სკოლასთან შეთანხმებული იყო ნახატის ყველა დეტალი. როცა პრეტენზია გაჩნდა, მივიღეთ ჩვენც ინფორმაცია. ცისარტყელას ფერები იყო გამაღიზიანებელი მათთვის, შესაძლოა ცისარტყელას LGBTQ+ თემთან ასოცირება იყო პრობლემა", - თქვა ლიის გამგებელმა.

რადიო "ათინათი" ლიის საჯარო სკოლის დირექტორს ელგუჯა როგავასაც დაუკავშირდა. მან გვითხრა, რომ კედელზე შესრულებული ნახატიდან ცისარტყელას დეტალი სკოლის გადაწყვეტილებით და მშობლების მოთხოვნით წაიშალა. როცა როგავას ამის მიზეზი ვკითხეთ, კითხვაზე პასუხის გაცემა არ ისურვა.

"დაახლოებით, ერთი წლის წინ დაიხატა. სოფლის გამგებლის ინიციატივით გაკეთდა. ეს ნამუშევარი იყო და ცისარტყელაც იყო დატანილი, მაგრამ არ მოგვეწონა და მოვშალეთ. რა მნიშვნელობა აქვს უკვე რატომ, მოშლილია. ნახატი დავხატეთ იმიტომ, რომ კედლის გაფერადება გვინდოდა, მაგრამ არ მოგვეწონა რაღაც და წავშალეთ. რატომ მეკითხებით ამას, არ მინდა ამ თემაზე საუბარი. არ მოეწონა ზოგ მშობელს და წავშალეთ", - გვითხრა ელგუჯა როგავამ.

ლიის სკოლის კედელზე ცისარტყელის გადაღებვას ნეგატიური კომენტარები მოჰყვა. შესაბამისი ფოტო მოქალაქე ნინო კემულარიამ გამოაქვეყნა. ინტერნეტის მომხმარებლების უმეტესობა მიიჩნევს, რომ ცისარტყელის წაშლა დისკრიმინაციის ნიშნებს შეიცავს.

სოფელ ლიის საჯარო სკოლის კედელზე თანასწორობის იდეის მატარებელი ნახატი ადგილობრივი ქალების ინიციატივით დაიხატა. პროექტი "ქალთა ფონდი საქართველოსთვის" მხარდაჭერით განხორციელდა.

ცისარტყელას ფერები ლგბტქ თემის სიმბოლოდ საერთაშორისო დონეზეა აღიარებული.

Print Email
FaceBook Twitter
რ ე კ ლ ა მ ა
გამყოფ ხაზთან მდებარე სოფელ რუხში, სოხუმის დაცემის დღესთან დაკავშირებით, მდუმარე აქცია გაიმართა, რა დროსაც, მისმა მონაწილეებმა სანთლებით გააკეთეს წარწერა ,,ჩვენ დავიბრუნებთ ერთმანეთს".
ანაკლიამ სამეჯლისო-სპორტული და თანამედროვე ცეკვების I საერთაშორისო ფესტივალს უმასპინძლა.
ზუგდიდის მოსწავლე-ახალგაზრდობის სასახლეში, დოკუმენტური ფილმის ,,დიდება დედოფალს‘‘ ჩვენება გაიმართა.
საზოგადოება
საქართველოს სტატისტიკის ეროვნული სამსახურის მიერ გამოქვეყნებული წინასწარი შედეგების თანახმად, 2023 წლის იანვარ-ივლისში საქართველოდან განხორციელებული საქონლის ექსპორტის მოცულობამ (არადეკლარირებული
სტატისტიკის ეროვნულმა სამსახურმა 2023 წლის მეორე კვარტალში სამუშაო ძალის მაჩვენებლები გამოაქვეყნა.
საქართველოს კონკურენციის ეროვნულმა სააგენტომ გასული წლის მარტ-აგვისტოში საავტომობილო საწვავის საცალო ბაზარზე მაღალი ფასების შენარჩუნების მიზეზით ხუთი უმსხვილესი ეკონომიკური აგენტი დააჯარიმა. ამის შესახებ
ამავე კატეგორიაში
დღის სიახლეები
29 / სექტემბერი 2023
ჯვარი-მესტიის საავტომობილო გზაზე დღეს გამართული აქციის მონაწილე დათა აქუბარდია ამბობს, რომ ის და მასთან ერთად კიდევ ერთი პირი ადმინისტრაციული წესით დააკავეს.
29 / სექტემბერი 2023
რუსეთის პრეზიდენტმა ვლადიმერ პუტინმა ოკუპირებული აფხაზეთის ე.წ. პრეზიდენტს ასლან ბჟანიას და "აფხაზეთის ყველა მოქალაქეს გამარჯვებისა და დამოუკიდებლობის დღე მიულოცა", წერს "აფსნიპრესი"
29 / სექტემბერი 2023
რუსეთის შავი ზღვის ფლოტის მცირე სარაკეტო ხომალდი "ციკლონი" სოხუმის საზღვაო პორტში შევიდა, "ქართულ-აფხაზურ ომში გამარჯვების 30 წლისთავისადმი მიძღვნილ ღონისძიებებში მონაწილეობის მისაღებად", წერს "აფსნიპრესი".
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 28 °C
img
სოხუმი 27 °C
img
ფოთი 27 °C
img
მესტია 16 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.