საზოგადოება
რა ხდება საბავშვო ბაღებში - „ნაციონალების“ ბრალდებები და ზუგდიდის მერიის პასუხი
ფრაქცია “ერთიანი ნაციონალური მოძრაობა“ ბაღებში არსებულ პრობლემებზე საუბრობს.

როგორც ფრაქციის ერთ-ერთმა წევრმა ანა წითლიძემ დღეს გამართულ სპეციალურ ბრიფინგზე განაცხადა, ქალაქ ზუგდიდში არსებული 18 ბაღის 52 აღმზრდელი მეცამეტე ხელფასის დარიცხვას და ზოგადად, ხელფასების მომატებას ითხოვდნენ, რასაც ბიუჯეტის დამტკიცებამდე მათ ქალაქის მერი დაჰპირდა.

„ეს დაპირება მერმა უკან წაიღო და ბიუჯეტში მათი მოთხოვნები არ ასახა. ბაღის აღმზრდელები ითხოვდნენ მერთან შეხვედრას, ირაკლი გოგოხია კი მხოლოდ სკოლამდელი აღზრდის დაწესებულებების ხელმძღვანელებს შეხვდა და დააბარა აღმზრდელებთან, რომ ყველას, ვინც განცხადებას აწერდა ხელს, არ გაუგრძელდებოდათ ხელშეკრულება. ეს არიან ადამიანები, რომლებიც ისედაც მწირ ხელფასს იღებენ და ძალიან ცუდია, როდესაც მერი მათ პასუხად მუქარებს უთვლის. ჩვენ დავიცავთ თითოეული მათგანის უფლებას ბოლომდე!“, - აღნიშნა ანა წითლიძემ.

მისივე თქმით, ამის შესახებ ყველა არასამთავრობო ორგანიზაცია საქმის კურსშია და ფრაქცია მათგან შესაბამის რეაქციას ითხოვენ.

ოპოზიციური ფრაქციის მიერ გავრცელებულ ინფორმაციას დღეს ზუგდიდის მერია გამოეხმაურა, რომელმაც ბრალდებები უარყო და მათ საფუძველს მოკლებული უწოდა.

რაც შეეხება აღმზრდელების მოთხოვნებს, უწყებაში განმარტავენ, რომ შესაბამისი კოლექტიური წერილი მათტან მართლაც შევიდა, რასაც პასუხი კანონით დადგენილ ვადაში გაეცემა.

„აქვე გაცნობებთ, რომ მიმდინარე წელს ბაღების თანამშრომელთა ხელფასი 20 %-ით გაიზარდა. წლის განმავლობაში ორჯერ მიიღეს პრემია, გარდა ამისა, ბოლო ათი წლის განმავლობაში პირველად, მათ ე.წ. საშვებულებო თანხაც ჩაერიცხა, ხოლო მერის პირადი გადაწყვეტილებით, ხელფასზე დანამატის სახით დეკემბერში, ბაღების უკლებლივ ყველა თანამშრომელს 100 ლარი ჩაერიცხა. მომავალი 2016 წლის სექტემბრიდან ბიუჯეტში ხელფასები კვლავ 20 %-ით გაიზრდება. დაგეგმილია ბაღების პედაგოგებისათვის კვალიფიკაციის ასამაღლებელი ტრენინგ-სემინარების ჩატარება და ბაღების ტექნიკური გაძლიერება. სკოლამდელი დაწესებულებების გამართული ფუნქციონირება ქალაქ ზუგდიდის მერიის მთავარ მიზანს წარმოადგენს, სწორედ ამიტომ ქალაქ ზუგდიდის 2016 წლის ბიუჯეტის ერთ-ერთ მთავარ პრიორიტეტს სკოლამდელი განათლებისადმი ხელმისაწვდომობის გაზრდა და სააღმზრდელო პროცესის ხარისხის ამაღლებაა. განგიმარტავთ, რომ საბიუჯეტო კოდექსის თანახმად ,,მეცამეტე ხელფასის“ ფინანსური ცნება არ არსებობს“, - ნათქვამია მერიის მიერ გავრცელებულ განცხადებაში.

Print Email
FaceBook Twitter
დაფინანსებული
პოლიკარპე ხუბულავას სახელობის მეგრული ფოლკლორის IV საერთაშორისო ფესტივალი ,,კოლხი და...“ გალა კონცერტით დასრულდა.
მერის სტიპენდიაზე განცხადებების მიღება დაიწყო.
პოლიკარპე ხუბულავას სახელობის მეგრული ფოლკლორის IV საერთაშორისო ფესტივალი ,,კოლხი და...“ ჯიხაშკარში, მის მშობლიურ სოფელში გაიმართა, რომელშიც საქართველოს სხვადასხვა რეგიონიდან ჩამოსული ფოლკლორული ანსამბლები მონაწილეობდნენ.
ამავე კატეგორიაში
დღის სიახლეები
18 / ივლისი 2024
შეფასებისა და გამოცდების ეროვნული ცენტრის ინფორმაციით, ზუგდიდში სახვითი და გამოყენებითი ხელოვნების გამოცდაზე
18 / ივლისი 2024
სვანეთში, სოფელ ეცერის მიმდებარე ტერიტორიაზე მიწა ჩამოიშალა, რის გამოც გზა რამდენიმე საათი ჩაკეტილი იყო.
17 / ივლისი 2024
მომავალ ლიდერთა გაცვლითი პროგრამა (FLEX), 30 წელზე მეტია, რაც ამერიკის მთავრობის მხარდაჭერით ხორციელდება საქართველოში.
დილის ჩართვა
ოდაბადეშ კინოხონი
04 / ივლისი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 28 °C
img
სოხუმი 26 °C
img
ფოთი 25 °C
img
მესტია 14 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.