მსხვილმა ბანკება, „ბრექსიტის“ გამო, შესაძლოა, დიდი ბრიტანეთი უკვე 2017 წლის დასაწყისში დატოვონ. ამის შესახებ ბრიტანეთის ბანკირთა ასოციაციის ხელმძღვანელმა (BBA) ენტონი ბრაუნმა განაცხადა. მის მიერ Guardian - ში გამოქვეყნებულ სვეტში ნათქვამია, რომ ევროპის ქვეყნები აქტიურად ეპატიჟებიან ბანკებს თავისთან. ბრაუნის აზრით, მცირე ბანკები ჯერ კიდევ შობამდე დაიწყებენ გადასვლას, ხოლო მსხვილი ბანკები, როგორც მოსალოდნელია, მომდევნო წლის პირველ კვარტალში.

"ბიზნესს ნამდვილი პრობლემები რეფერენდუმის მეორე დღესვე არ შეექმნება, ისინი მას შემდეგ დაიწყება, რაც ჩვენ ევროკავშირს დავტოვებთ“, - განმარტავს ბრაუნი. ბანკირი თვლის, რომ შესაძლოა შეიქმნას სიტუაცია, როდესაც „ბრიტანეთსა და ევროკავშირს შორის ვაჭრობა ფინანსურ სექტორში, უკეთეს შემთხვევაში კითხვის ნიშნის ქვეშ დადგება, იურიდიული თვალსაზრისით, უარეს შემთხვევაში - უბრალოდ უკანონო სახეს მიიღებს, რადგან ერთი ღამის განმავლობაში, ბანკები სერვისების გასაცემად რეგულატორის უფლებას დაკარგავენ".„არსებობს ევროპულ ფინანსურ ბაზრებზე სერიოზული შეფერხებების შექმნის რეალური რისკი“, - ფიქრობს ბრაუნი.

ოქტომბრის დასაწყისში ქვეყნის პრემიერმინისტრმა ტერეზა მეიმ განაცხადა, რომ ბრიტანეთი ევროკავშირიდან იფიციალურად გამოსვლის პროცესს არა უგვიანეს, 2017 წლის მარტიდან დაიწყებს.