აქტუალური თემები
ზუგდიდში ოპოზიციური პარტიების საერთო აქცია დასრულდა (ვიდეო)
ზუგდიდის საოლქო საარჩევნო კომისიის შემაჯამებელი სხდომის პარალელურად  გაერთიანებული ოპოზიციის საპროტესტო აქცია გაიმართა. შეკრებილებმა საოლქო კომისიის სხდომა გააპროტესტეს და თქვეს, რომ ამ კომისიას მორალური უფლება არა აქვს ჩაატაროს სხდომები, რადგან, მათივე თქმით, ისინი არჩევნების გაყალბების თანამონაწილეები არიან. ადგილზე მობილიზებული იყო პოლიცია.  აქციის მონაწილეებმა შენობაში შესვლა არაერთხელ სცადეს, თუმცა მათ ამის საშუალება სამართალდამცავებმა არ მისცეს. ოპოზიციის წარმომადგენლებმა საოლქო კომისიის თავმჯდომარეს, მირანდა მესხს სიმბოლურად  საანგარიშო მიუტანეს, რომელიც შენობის შესასვლელთან დატოვეს.

„ერთიანი ნაციონალური მოძრაობის“ ზუგდიდის ორგანიზაციის წარმომადგენელი, თეიმურაზ ბასილაია „ქართული ოცნების“ მმართველობის პირობებში ჩატარებულ არჩევნებს სპეცოპერაციას უწოდებს და ამბობს, რომ 2012 წლის შემდეგ ქვეყანაში ყველა არჩევნები გაყალბდა.

„2012 წლის შემდეგ ცესკო „აპრავებს“ ყველა იმ მანკიერებას, რაც ხდებოდა საქართველშო არჩევნების დროს. ამათ არა აქვთ მორალური უფლება ჩაატარონ სხდომა. 4000-მდე ბიულეტენი მარტო ზუგდიდში გაბათილდა, რომელშიც არის გადაკეთებულ-გადმოკეთებული, ბეჭედდაუსმელი, ცარიელი... ამის თაობაზე სარჩელი შევიტანეთ სასამართლოში, თუმცა განხილვაშიც არ მიიღეს და ჩამოდეს თაროზე. დღეს მთლიანად საქართველოს პოლიტიკური უზურპაცია ხდება, ხდება სახელმწიფო სტრუქტურების უზურპაცია და არანაირი სასამართლო“, - ამბობს ბასილაია.
„ევროპული საქართველოს“ წევრი ბათლომე შელია ამბობს, რომ ისინი საპროტესტო აქციებს პერმანენტულად ჩაატარებენ და საოლქო კომისიას მოსვენების საშუალებას არ მისცემენ.

„დღეს როგორც აქ, ისე ყველა საარჩევნო ოლქში ხელს აწერენ ბიძინა ივანიშვილის მიერ საქართველოს უზურპაციას. ამას ჩააბარებენ მერე მის მონა-მორჩილ თამარ ჟვანიას და დღეს აპირებენ გააფორმონ ეს უზურპაციას. გამორიცხულია მეგობრებო, რომ ქართველი ხალხი შეეგუოს ამას. გვჭირდება მოთმინება, გამძლეობა და ჩვენ აუცილებლად გავიმარჯვებთ“, - აღნიშნა ბათლომე შელიამ.

თავის მხრივ, საოლქო კომისიის თავმჯდომარე ამბობს, რომ მათ არჩევნები კანონის სრული დაცვით ჩაატარეს და დარღვევა მხოლოდ ერთ უბანზე დაფიქსირდა. რაც შეეხება გაბათილებულ ბიულეტენებს, მესხი ამბობს, რომ წინა არჩევნებთან შედარებით, გაბათილებული ბიულეტენების რაოდენობა ნაკლებია.

„შემაჯამებელ ოქმებთან დაკავშირებით არანაირი ხარვეზი ჩვენ არ გვაქვს. პროცედურულად, რაც მეორე დღეს გვევალებოდა, საუბნო კომისიის შემადგენლობას თავისი გადაწყვეტილებით შესწორების ოქმის დართვა და ბეჭდით დამოწმება , ეს მოხდა 16 უბანზე მხოლოდ, გვაქვს მხოლოდ 16 შესწორების ოქმი“, - აღნიშნა მესხმა.

ინფორმაციისთვის, ოპოზიციური პარტიის წარმომადგენლება მსგავსი საპროტესტო საერთო აქციები ქვეყნის სხვადასხვა ქალაქში გამართეს.


Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
ამავე კატეგორიაში
დღის სიახლეები
18 / მარტი 2024
საქართველოს პრეზიდენტის სალომე ზურაბიშვილის განცხადებით, ოკუპირებულ რეგიონებში რუსეთის ფედერაციის საპრეზიდენტო არჩევნების ჩატარება ყოვლად უკანონო და მიუღებელია.
18 / მარტი 2024
„სრულად ვუჭერთ მხარს საქართველოს ტერიტორიულ მთლიანობას, სამხრეთ ოსეთი და აფხაზეთი არის საქართველოს ნაწილი", - ამის შესახებ ნატო-ს გენერალური მდივანმა იენს სტოლტენბერგმა საქართველოს პრემიერ-მინისტრთან ირაკლი კობახიძესთან შეხვედრის შემდეგ თბილისში გამართულ ბრიფინგზე განაცხადა.
18 / მარტი 2024
წალენჯიხის მერიის საფინანსო სამსახურის თანამშრომლის ირაკლი ეგიას მიმართ გამოძიება სისხლის სამართლის კოდექსის 126-ე მუხლით დაიწყო, რაც ძალადობას გულოსხმობს.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
«« მარტი 2024 »»
26272829 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
ამინდი
ზუგდიდი 8 °C
img
სოხუმი 8 °C
img
ფოთი 10 °C
img
მესტია -2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.