ამერიკის შეერთებული შტატების საპრეზიდენტო არჩევნებში მოქმედმა პრეზიდენტმა, "დემოკრატიული პარტიის" კანდიდატმა ბარაქ ობამამ გაიმარჯვა. საპრეზიდენტო არჩევნების ამ დროისათვის არსებული შედეგების მიხედვით, ობამამ ამომრჩეველთა კოლეეგიის 538-წევრიდან 290-ის მხარდაჭერა მიიღო, მიტ რომნიმ კი - 203.  ამერიკაში ამ დროისთვის ოფიციალური შედეგები ჯერ არ გამოცხადებულა. უცხოური მედიის ცნობით, ამომრჩეველთა ხმათა რაოდენობით მით რომნი ხმათა მინიმალური რაოდენობით უსწრებს ბარაქ ობამას, თუმცა, აშშ-ის არჩევნებში გადამწყვეტი მნიშვნელობა ამომრჩეველთა კოლეგიაში ძალთა თანაფარდობას ენიჭება. ობამამ გაიმარჯვა საკვანძო შტატებში - ოჰაიოში, ფლორიდაში, ვირჯინიაში, აიოვაში, ორეგონში და მასაჩუსეტის შტატში. საკანონმდებლო ორგანოში ძალთა თანაფარდობა არ შეიცვლება. "დემოკრატიული პარტია" სენატში უმრავლესობას ინარჩუნებს. წარმომადგენლობით პალატაზე კონტროლს "რესპუბლიკელები" შეინარჩუნებენ. ბარაკ ობამამ Twitter-სა და Facebook-ზე უკვე გადაიხადა მადლობა საკუთარ ამომრჩევლებს. "ეს არის თქვემნი დამსახურება. მადლობა თქვენ. კიდევ ოთხი წელი", - წერს ბარაკ ობამა.