აბაშის მუნიციპალიტეტში მოშიმშილეთა აქცია შეწყდა. როგორც რადიო “ათინათს” კოალიცია ქართული ოცნების გამგებლობის კანდიდატმა ირაკლი ჩხეიძემ განუცხადა, აბაშის გაგეობაში საფინანსო პოლიციაა შესული და დოკუმენტების შესწავლა მიმდინარეობს .ჩხეიძე არ გამორიცხავს საკითხის შესწავლის შემდეგ შიმშილობის აქცია ისევ განახლდეს. “შიმშილობა შევწყვიტეთ ჩვენ გვიან საღამოს, მათი მძიმე მდგომარეობის გამო. თან ვიცით, რომ საფინანსო პოლიცია შემოვიდა დაიწყო უკვე მუშაობა. ხელი არ გვინდა, რომ შევუშალოთ საფინანსოს, რადგან საჭირო იქნება იმ დოკუმენტების წარდგენა. დაველოდებით საფინანსო პოლიციის და სააპელაციო სასამართლოს გადაწყვეტილებას. თუ არ იქნება შედეგი ისევ გაგრძელდება შიმშილობა და აქციები, სანამ კანონირებას არ აღვადგენთ“ -აღნიშნავს ირაკლი ჩხეიძე. აღნიშნულ საკითხთან დაკავშირებით აბაშის გამგებლის მოვალეობის შემსრულებლის მოადგილე ვახტან გაბელაია „ათინათთან“ საუბარში აცხადებს, რომ გამგეობაში საფინასო პოლიციის შესვლასთან დაკავშირებით ინფორმაციას არ ფლობს და დასძენს, რომ გამგეობა სრული დატვირთვით აგრძელებს მუშაობას.