ადგილობრივ მედიასთან საუბრისას, ფინანსთა მინისტრის მოადგილემ განმარტა, რომ 20 ივლისს ბანკები მუშაობას განაახლებენ, თუმცა მოქალაქეებს ფულის გამოტანაზე კვლავ 60 ევროიანი ლიმიტი ექნებათ დაწესებული.

მიუხედავად იმისა, რომ ბანკები ფუნქციონირებას გააგრძელებენ, რჩება გარკვეული შეზღუდვები, კერძოდ 60 ევროს გამოტანა მოქალაქეებს კვლავ ბანკომატების საშუალებით მოუწევთ.

"ორშაბათიდან მოქალაქეებს შეეძლებათ ბანკებში მისვლა და ტრანზაქციის ოპერაციის შესრულება", - წერს Deutsche Welle.

შეგახსენებთ, რომ საბერძნეთში ბანკები 28 ივნისს დაიხურა. ქვეყნის მთავრობამ კაპიტალის ბაზარზე კონტროლი დააწესა და მოქალაქეებს ბანკომატებიდან მხოლოდ 60 ევროს გამოტანის საშუალება აქვთ. ბერძნული ბანკების სრულყოფილად ფუნქციონირებისთვის, დამატებით 25 მილიონი ევროა გამოყოფილი.

გუშინ საბერძნეთის პარლამენტმა კრედიტორების მიერ შეთავაზებულ რეფორმების პაკეტს მხარი დაუჭირა. ეკონომიკური რეფორმები ქვეყანაში პრივატიზაციას, ხარჯების შემცირებასა და საპენსიო რეფორმას ითვალისწინებს.