თურქეთი სირიის ტერიტორიაზე, თურქეთის საზღვრის გასწვრივ, „ბუფერული ზონის“ შექმნას გეგმავს. 100 - კილომეტრიანი ზოლი ისლამური სახელმწიფოს მებრძოლებისგან გასაწმენდისა და ლტოლვილებისთვის „გადარჩენის ზონად“ უნდა იქცეს. თურქეთის ხელისუფლება აცხადებს, რომ ამ გზით სირიის ოპოზიციის ზომიერი ნაწილის მხარდაჭერის გეგმავს. ვაშინგტონში უკვე მოიწონეს ეს იდეა, თუმცა განაცხადეს, რომ სირიაში არასაპილოტე ზონის შეყვანის აუცილებლობა არ არსებობს. სირიასა და ერაყში ჯიხადისტებისა და ქურთების პოზიციებზე თურქეთის მიერ განხორციელებული ავიადარტყმების ფონზე, სიტუაციას ნატოს საგანგებო სამიტის წევრები განიხილავენ. დღევანდელი შეხვედრა ანკარის თხოვნით გაიმართება, თუმცა თურქეთში აღნიშნავენ, რომ ისინი მოკავშირეებსგან დახმარებას არ ითხოვენ, მათ მხოლოდ საკუთარი პოზიციის განმარტება სურთ.