კოლუმბიელ მწერალს გაბრიელ გარსია მარკესს ორი ათეული წლის განამვლობაში აშშ-ის გამოძიებათა ფედერალური ბიურო უთვალთვალებდა,წერს Washington Post. გამოცემის ინფომაციის თანახმად, მარკესს ჯერ კიდევ 1961 წლიდან უთვალთვალებდენ, როდესაც ის მეუღლესა და შვილთან ერთად ნიუ-იორკში ჩავიდა, როგორც კუბის საინფორმაციო სააგენტოს Prensa Latina თანამშრომელი. მარკესი მაშინ 33 წლის იყო და ის ფიდელ კასტროს მეგობრად და თანამოაზრედ ითვლებოდა. მწერლის დოსიე მომდევნო 24 წლის განმავლობაში გროვდებოდა, რომლის 137 გვერდი გამოძიებათა ფედერალურმა ბიურომ გამოაქვეყნა,ხოლო დოკუმენტის დანარჩენი 133 გვერდი - გასაიდუმლოებულია. აღსანიშნავია, რომ მარკესი არასოდეს ყოფილა არც ერთი პოლიტიკური ორგანიზაციის წევრი. გაბრიელ გარსია მარკესი 87 წლის ასაკში 2014 წლის 17 აპრილს მეხიკოში გარდაიცვალა, სადაც მან თავისი ცხოვრების ბოლო 30 წელი გაატარა.