ბრიტანეთის ყოფილი პრემიერ მინისტრი 8 აპრილს 88 წლის ასაკში ინსულტის შედეგად გარდაიცვალა. ტეტჩერი მთავრობას სათავეში 1979-1990 წლებში ედგა და იყო პირველი და ჯერჯერობით ერთადერთი ქალი პრემიერი ბრიტანეთის ისტორიაში. სამშაბათს მისი ცხედარი ვესტმინსტერის სასახლეში გადაასვენეს. ტეტჩერის დასაფლავების ცერემონიაზე მიწვევა 2000-მა სტუმარმა მიიღო. ცერემონიას დაესწრება ქვეყნის დედოფალი ელისაბედ მეორე, ასევე ბრიტანეთის მთავრობის ყველა წევრი, პრემიერ დევიდ კამერონის ჩათვლით. ცერემონიას დაესწრება ამერიკის ყოფილი ვიცე-პრეზიდენტი დიკ ჩეინი, ასევე ამერიკის ყოფილი სახელმწიფო მდივანი ჰენრი კისინჯერი. პანაშვიდის შემდეგ გარდაცვლილის სხეულის კრემაცია მოხდება. ცერემონიის ამ ნაწილს მხოლოდ მარგარეტ ტეტჩერის ნათესავები დაესწრებიან. პრემიერ მინისტრის აპარატშუ აღნიშნავენ, რომ ყველაფერი მოხდება ტეტჩერის ოჯახის წევრების სურვილის გათვალისწინებით.