ბიზნესმენი თეიმურაზ ქარჩავა ანაკლიაში ორი 44 სართულიანი ფინანსური და სასტუმრო ცენტის მშენებლობას გეგმავს. ქარჩავას განმარტებით, მშენებლობა მიმდინარე წლის დეკემბერში დაიწყება და 2016 წელს დასრულდება. “ყველაფერი მოგვარებულია, პროექტიც და ფინანსური საკითხებიც. ფინანსური და სასტუმრო ცენტი „ანაკლია“ აშენდება იქ, სადაც ჩვენი პრეზიდენტი მიხეილ სააკაშვილი, ჩემს და ხალხის კერძო მიწებზე „ლაზიკა პორტის“ მშენებლობას აპირებდა“, - განუცხადა რადიო „ათინათს“ თეიმურაზ ქარჩავამ. მისივე განცხადებით, ფინანსური ცენტრის მშენებლობისთვის 130 მილიონი ლარი დაიხარჯება. ცნობისთვის, თაიმურაზ ქარჩავას ანაკლიის ტერიტორიაზე „ანაკლია პორტი“ უნდა აეშენებინა. მან პორტის მშენებლობის უფლება პრეზიდენტ მიხეილ სააკაშვილის 2009 წლის 20 ოქტომბრის № 732 განკარგულების საფუძველზე მიიღო. ხელშეკრულების თანახმად, „ანაკლია პორტის“ მშენებლობა მიმდინარე წელს უნდა დასრულებულიყო და მასში 5-6 მილიარდი დოლარის ინვესტიცია უნდა ჩადებულიყო. თეიმურაზ ქარჩავას განცხადებით, „ანაკლია პორტის“ მშენებლობას ხელი ყოფილმა მთავრობამ შეუშალა და მის ადგილას „ლაზიკა პორტის“ მშენებლობა დაიწყო. ეკონომიკისა და მდგრადი განვითარების სამინიტრომ შპს „ანაკლია პორტს“ ნაკისრი ვალდებულებების შეუსრულებების გამო 2012 წლის სექტემბერში უჩივლა. უწყება სასამართლოს შპს-სთვის 100 მილიონი აშშ დოლარის ოდენობის ჯარიმის დაკისრებას ითხოვდა. ზუგდიდის რაიონულმა სასამართლომ შპს „ანაკლია პორტს“, ჯარიმის სახით, 100 ათასი ლარის გადახდა დააკისრა. შპს-მ აღნიშნული საქმე ქუთაისის საპელაციო სასამართლოში გაასაჩივრა. თეიმურაზ ქარჩავამ როგორც რადიო „ათინათს“ განუცხადა, ქუთაისის საპელაციო სასამართლოში, „ანაკლია პორტის“ საქმის განხილვა გუშინ, 20 აგვიტოს დაასრულა. მისივე განმარტებით, სასამართლოს გადაწყვეტილება მისთვის სექტემბრში გახდება ცნობილი.