დღეს რუსეთის საგარეო საქმეთა მინისტრი სერგეი ლავროვი სირიის მოვლენებთან დაკავშირებით, საგანგებო პრეს–კონფერენციას გამართავს. მანამდე, რუსული მხარის ინციატივით, ლავროვისა და აშშ–ის სახელმწიფო მდივნის ჯონ ქერის სატელეფონო საუბარი შედგა. "მინისტრმა აღნიშნა, რომ ბოლო დღეებში ვაშინგტონის მიერ გაჟღერებულმა ოფიციალურმა განცხადებებმა, აშშ–ის შეიარაღებული ძალების სირიის კონფლიქტში „ჩარევის“ მზადყოფნის შესახებ, მოსკოვის დიდი შეშფოთება გამოიწვია. ისეთი შთაბეჭდილება რჩება, რომ გარკვეული წრეები, რომლებიც „გაეროს შემოვლით“ სამხედრო ინტერვენციისკენ სულ უფრო აქტიურად მოუწოდებენ, ღიად ცდილობენ ხაზი გადაუსვან რუსულ–ამერიკულ ერთობლივ ძალისხმევას, მოიწვიონ საერთაშორისო კონფერენცია, კრიზისის მშვიდობინად დარეგულირებისთვის", - ნათქვამია რუსეთის ფედერაციის საგარეო საქმეთა სამინისტროს განცხადებაში.