ზუგდიდის მერიამ, საგზაო მოძრაობის უსაფრთხოების უზრუნველყოფის მიზნით, მაფრთხილებელი და ამკრძალავი საგზაო ნიშნების შესყიდვისთვის 77 940 ლარის მოცულობის ტენდერი გამოაცხადა. დოკუმენტაციის მიხედვით მუნიციპალიტეტის სხვადასხვა ლოკაციაზე 255 საგზაო ნიშანი განთავსდება.

მათ შორისაა:

სექციური სიჩქარის კონტროლის ვიდეოსამეთვალყურეო კამერებისთვის შესაბამისი მაფრთხილებელი ნიშანი, რაოდენობა: 85 ცალი;
ვიდეოკონტროლის შესაბამისი მაფრთხილებელი ნიშანი, რაოდენობა: 60 ცალი;
პრიორიტეტის ნიშანი "დაუთმე გზა", რაოდენობა: 10 ცალი;
ამკრძალავი ნიშანი "მაქსიმალური სიჩქარის შეზღუდვა", რაოდენობა: 90 ცალი;
ამკრძალავი ნიშანი "გაჩერება აკრძალულია", რაოდენობა: 10 ცალი.

მერიის ინფორმაციით საგზაო ნიშნები ახალ წერტილებზე განთავსდება. მათ შორის, ვიდეომონიტორინგის მაფრთხილებელი 60 აბრა იმ ახალი სათვალთვალო კამერების მიმდებარედ, რომლებიც მუნიციპალიტეტში დამონტაჟდა.

სატენდერო მომსახურების გაწევისთვის წინადადების მიღება 1 აპრილს დაიწყება და 4 აპრილს დასრულდება.


ამავე თემაზე:

24 მარტიდან ზუგდიდში ე.წ "ჭკვიანი კამერები" ამოქმედდება