ახალი ამბები
მერიის დაპირების შემდეგ ოდიშელებმა აქცია შეწყვიტეს
სოფელ ოდიშში ადგილობრივების აქცია დასრულებულია. პროტესტის მონაწილეებმა უკვე გაათავისუფლეს გზის სავალი ნაწილიც. მათ ზუგდიდის მერის მოადგილისგან პირობა მიიღეს, რომ საჯაიას ქუჩის გზის რეაბილიტაციის საკითხი უახლოეს თვეებში გადაწყდება.

ადგილობრივები ამბობენ, რომ მიღებული პირობის დიდად არ სჯერათ, თუმცა 15 ივნისს დაელოდებიან. იმ შემთხვევაში კი, თუ საკითხი მათი მოთხოვნის შესაბამისად არ გადაწყდება, აქციების განახლებას აანონსებენ და ამბობენ, რომ ოდიშის გზას სრულ იზოლაციაში მოაქცევენ.

"გვითხრეს, რომ თბილისში მიდიან 15 რიცხვში და ბიუჯეტიდან რა თანხასაც გამოყოფენ, მაგის მიხედვით იმოქმედებენ. ველოდებით 15 ივნისს და რა პასუხს გაგვცემენ. დიდი მოლოდინი ნამდვილად არ მაქვს, თუ მაინც უარი გვითხრეს, მოვიტანთ ბარს, ნიჩაბს და გადავთხრით ამ გზას და ოდიში სრულ იზოლაციაში იქნება,"- გვითხრა ოდიშის მკვიდრმა ბენო სართანიამ.

სოფელ ოდიშის მოსახლეობას ადგილობრივი ხელისუფლების წარმომადგენლები შეხვდნენ. ზუგდიდის მერის მოადგილე ბესო ჭეჟია ამბობს, რომ პრობლემის გადასაჭრელად შესაბამისი ნაბიჯები გადაიდგმება. მერიის წარმომადგენლებს სამუშაოების დაწყების თარიღთან დაკავშირებით კონკრეტული არაფერი უთქვამთ.

"კონკრეტულად ამ სოფელში დღეს არის ორი დიდი პრობლემა. ერთი საკვიტატიოს უბანში სანიაღვრე არხის მოწყობა და ამ მონაკვეთში გზის რეაბილიტაცია. უკვე შედგენილია პროექტი საკვიტატიოს უბნისთვის და მალე გამოცხადდება ტენდერი. რაც შეეხება გზის რეაბილიტაციას, დამოკიდებულია ბევრ ფაქტორზე. მე არ ვამბობ, რომ არ გავაკეთებთ რეაბილიტაციას, უბრალოდ დროს ვერ ვასახელებთ."- განაცხადა ჟურნალისტებთან ზუგდიდის მერის მოადგილემ ბესო ჭეჟიამ.

ადგილობრივებს გზის სავალი ნაწილი რამდენიმე საათით გადაკეტილი ჰქონდათ, შეზღუდული იყო ავტოტრანსპორტის გადაადგილებაც. სოფელ ოდიშის მაცხოვრებლების ნაწილმა, საჯაის ქუჩაზე გზის რეაბილიტაციის მოთხოვნით აქცია დილიდან დაიწყო. ისინი გიზის რეაბილიტაციას უკვე წლებია ითხოვენ. ამ წუთისთვის აქცია უკვე დასრულებულია. 

Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
ამავე კატეგორიაში
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 18 °C
img
სოხუმი 14 °C
img
ფოთი 16 °C
img
მესტია 2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.