ახალი ამბები
სოფელ ოდიშის შესასვლელი გადაკეტილია - ადგილობრივები აქციას მართავენ
ზუგდიდში სოფელ ოდიშის მაცხოვრებლების ნაწილი საპროტესტო აქციას მართავს. აქ შეკრებილები არიან საჯაიას ქუჩაზე მცხოვრებლები და ამბობენ, რომ უკვე წლებია გზის რეაბილიტაციას ითხოვენ, რადგან გზის კონკრეტულ მონაკვეთზე გადაადგილება, ფაქტობრივად, შეუძლებელია.

აქციის მონაწილეები ჰყვებიან, რომ საჭიროების შემთხვევაში მათთან მისვლა სასწრაფო დახმარების მანქანასაც უჭირს, წვიმის დროს კი ივსება სანიაღვრე არხები. ადგილობრივები ამბობენ, რომ ხელისუფლებისგან დახმარების პირობა არაერთხელ მიიღეს, თუმცა უშედეგოდ. აქციის მონაწილეები პროტესტის შეწყვეტას არ აპირებენ.

"საჯაიას ქუჩა საშინელ მდგომარეობაშია, ბავშვები ვერ გადიან გზაზე. როცა წვიმიანი ამინდია, მთლიანად იტბორება ქუჩა. გვპირდებიან, რომ მოვაგვარებთო პრობლემას. გადის თვეები და არაფერი იცვლება. ვითხოვთ, რომ გააკეთონ გზა. პროტესტს მანამ გავაგრძელებთ, სანამ არ დაიწყებენ სამუშაოებს, შევაწუხებთ მთავრობას,"- გვითხრა სოფელ ოდიშის მკვიდრმა სოსო კვიტატიანმა.

აქციის მონაწილეებს უკვე შეხვდნენ ადგილობრივი ხელისუფლების წარმომადგენლები, მათ შორის, ზუგდიდის მერის მოადგილე მაზერ ნანავა. მისი თქმით, გზის სარეაბილიტაციო სამუშაოების კონკრეტული თარიღის დასახელება შეუძლებელია, თუმცა ადგილობრივებს დაჰპირდა, რომ სამუშაოები აუცილებლად განხორციელდება.

"არ არის ოდიშის ადმინისტრაციულ ერთეულში ახალი რეაბილიტირებული გზა, თუმცა იგეგმება. კონკრეტულ თარიღს ვერ ვიტყვი. თარიღს იმიტომ ვერ ვამბობ, რომ ყველაფერს თავისი პროცედურები სჭირდება. ჩვენ ვპირდებით, რომ პრობლემა მოგვარდება,"- განაცხადა ნანავამ.

დემონსტრაციის მონაწილეებს ამ წუთებში სოფელ ოდიშის შესასვლელი გადაკეტილი აქვთ და გზაზე ავტოტრანსპორტის მოძრაობა შეზღუდულია.
Print Email
FaceBook Twitter
რ ე კ ლ ა მ ა
გამყოფ ხაზთან მდებარე სოფელ რუხში, სოხუმის დაცემის დღესთან დაკავშირებით, მდუმარე აქცია გაიმართა, რა დროსაც, მისმა მონაწილეებმა სანთლებით გააკეთეს წარწერა ,,ჩვენ დავიბრუნებთ ერთმანეთს".
ანაკლიამ სამეჯლისო-სპორტული და თანამედროვე ცეკვების I საერთაშორისო ფესტივალს უმასპინძლა.
ზუგდიდის მოსწავლე-ახალგაზრდობის სასახლეში, დოკუმენტური ფილმის ,,დიდება დედოფალს‘‘ ჩვენება გაიმართა.
საზოგადოება
საქართველოს სტატისტიკის ეროვნული სამსახურის მიერ გამოქვეყნებული წინასწარი შედეგების თანახმად, 2023 წლის იანვარ-ივლისში საქართველოდან განხორციელებული საქონლის ექსპორტის მოცულობამ (არადეკლარირებული
სტატისტიკის ეროვნულმა სამსახურმა 2023 წლის მეორე კვარტალში სამუშაო ძალის მაჩვენებლები გამოაქვეყნა.
საქართველოს კონკურენციის ეროვნულმა სააგენტომ გასული წლის მარტ-აგვისტოში საავტომობილო საწვავის საცალო ბაზარზე მაღალი ფასების შენარჩუნების მიზეზით ხუთი უმსხვილესი ეკონომიკური აგენტი დააჯარიმა. ამის შესახებ
ამავე კატეგორიაში
დღის სიახლეები
28 / სექტემბერი 2023
გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, ნადირობის სეზონის დაწყებიდან 19 სექტემბრის ჩათვლით, უკანონო ნადირობის 229 ფაქტი გამოავლინეს.
28 / სექტემბერი 2023
აფხაზეთის თვითგამოცხადებული რესპუბლიკის შინაგან საქმეთა მინისტრმა განაცხადა, რომ "დღეს აფხაზეთის ტერიტორიაზე არცერთი აქტიური ტერორისტული დაჯგუფება არ არსებობს".
28 / სექტემბერი 2023
სურსათის ეროვნული სააგენტოს ინფორმაციით, ცოფთან ბრძოლის მსოფლიო დღე 2023 - თან დაკავშირებით, საქართველოს მასშტაბით, ცოფის საწინააღმდეგო უფასო ვაქცინაცია ჩატარდება.
დილის ჩართვა
ოდაბადეშ კინოხონი
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 28 °C
img
სოხუმი 26 °C
img
ფოთი 27 °C
img
მესტია 17 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.