ახალი ამბები
"გარევაჭრობის საკითხზე სამოქალაქო სექტორთან ერთად ვიმსჯელებთ" - ზუგდიდის მერის მოადგილე
ზუგდიდის მუნიციპალიტეტის მერია გარევაჭრობის პრობლემის გადასაჭრელად გაფართოებულ შეხვედრას გეგმავს. მერის მოადგილემ ბესო ჭეჟიამ რადიო "ათინათს" უთხრა, რომ შეხვედრა, რომელსაც, საკრებულოს, მერიის და სამოქალაქო სექტორის წარმომადგენლები დაესწრებიან, უახლოეს დღეებში გაიმართება. მოლაპარაკებების შემდეგი ეტაპი კი უშუალოდ გარემოვაჭრეებთან შეხვედრა იქნება.

ბესო ჭეჟია ამბობს, რომ გარე მოვაჭრეებთან კომუნიკაციის რამდენიმე მცდელობა უკვე იყო, თუმცა მოვაჭრეები შეთავაზებულ ალტერნატიულ სივრცეზე უარს ამბობენ.

"გარემოვაჭრეებმა გარკვეული შეთავაზებები უკვე მიიღეს, თუმცა ყველა ალტერნატივაზე უარს ამბობენ. ვამუშავებთ წინადადებას, რომ ისევ ვესაუბროთ და მივიღოთ ყველასთვის შუალედური გადაწყვეტილება. იგეგმება ერთობლივი შეხვედრა, რომელსაც დაესწრება მერია, საკრებულო, სამოქალაქო სექტორი და ყველა, ვინც არის ამ პრობლემით შეწუხებული. გარემოვაჭრეებს, ალბათ, ამ ერთობლივი შეხვედრის შემდეგ გავესაუბრებით. მე ახალ ბაზარს ვერ ავაშენებ ზუგდიდში, ცნობილია ალტერნატიული სივრცეები, სადაც მუშაობა 500 ადამიანს შეუძლია. ოპოზიციას თუ აწუხებს ეს პრობლემა, ჩვენთვის მათთან საუბარი არ არის პრობლემა,"- უთხრა რადიო "ათინათს" ზუგდიდის მერის მოადგილემ.

გარემოვაჭრეებმა ზედამხედველობის სამსახურისგან გაფრთხილება აპრილის ბოლოს მიიღეს, რომ მაისის თვიდან ბაზრის გარე პერიმეტრზე მათთვის ვაჭრობა აიკრძალება. სწორედ ამ შეტყობინებამ გამოიწვია მათი პროტესტი ზუგდიდის მერიასთან. თუმცა, მერიამ ეს გადაწყვეტილება შეცვალა და გარე მოვაჭრეების მიერ დაკავებული სივრცეები ჯერ არ გათავისუფლებულა.


Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
ამავე კატეგორიაში
დღის სიახლეები
29 / მარტი 2024
ზუგდიდი-ჯვარი-მესტია-ლასდილის საავტომობილო გზის კმ138-კმ170 (მესტია-კალა) მონაკვეთზე მსუბუქი ავტოტრანსპორტის მოძრაობის სპეციალური რეჟიმი მოცურების საწინააღმდეგო ჯაჭვების გამოყენებით მოიხსნა.
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 13 °C
img
სოხუმი 15 °C
img
ფოთი 13 °C
img
მესტია 12 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.