„ქართული ოცნების“ დეპუტატმა ალუდა ღუდუშაურმა „ერთიანი ნაციონალური მოძრაობის“ წევრს ანა წითლიძეს შეურაცხმყოფელი ეპითეტებით მიმართა. ის პარლამენტში მიხეილ სააკაშვილზე საუბრობდა, რა დროსაც იაგო ხვიჩიას მიმართა:

"ელემენტარული ლოგიკა ხომ გაქვთ, თქვენ ხომ მაინც განსხვავდებით ანა წითლიძისგან და სხვებისგან, "ფარჩაკებისგან" და უმსგავსოებისგან, მაინტერესებს სააკაშვილი რომ იძახის, თურმე ახლა რუსები შემოვლენ და დაგვამხობენ ჩვენ - ჩვენ თუ რუსეთუმეები ვართ, როგორ დაგვამხობენ ერთი ეგ მაინტერესებს", - ჰკითხა ღუდუშაურმა "გირჩის" წევრს.

ამის მერე წითლიძემ მას უთხრა: „დებილი ხარ“, რის შემდეგაც ღუდუშაურმა წითლიძეს „ბანძი ქალი“ უწოდა.

„იმ ქალების ჩამონათვალშიც ვერ ჯდები, ვისაც სააკაშვილი ევასებოდა და დაწყნარდი და წადი აქედან. წადი შე ბანძო, გაიარე, ფარჩაკი, ბანძი“, - უთხრა ღუდუშაურმა წითლიძეს.