2024 წლის 31 ოქტომბრის მდგომარეობით, საპენსიო სისტემაში უკვე გაწევრიანდა 1 მილიონ 566 ათასი ადამიანი. ამის შესახებ საპენსიო სააგენტოს მიერ გამოქვეყნებულ დოკუმენტში ვკითხულობთ.

ამავე ცნობით, დაგროვებითი პენსიით უკვე ისარგებლა 13 879-მა პირმა. მონაცემების მიხედვით, მათზე 53.3 მლნ ლარი გაიცა.

სააგენტოს განმარტებით, აღნიშნული აქტივების საერთო ღირებულება 5.8 მლრდ ლარს შეადგენს, მათ შორის დაგენერირებულმა ამონაგებმა კი 1.35 მლრდ ლარს გადააჭარბა.

პარლამენტმა "დაგროვებითი პენსიის შესახებ" კანონი 21 ივლისს მიიღო. სქემაში გაწევრიანება სავალდებულოა ყველა დასაქმებულისათვის, ხელფასის სახით მიღებული შემოსავლის ნაწილში, გარდა იმ დასაქმებულისა, რომელსაც კანონის ამოქმედებამდე (2018 წლის 6 აგვისტო) შეუსრულდა 60 წელი (მამაკაცის შემთხვევაში) ან 55 წელი (ქალის შემთხვევაში).