ზუგდიდში, ე.წ. ფაიფურის დასახლებაში, ორსართულიან შენობაში ხანძარი ლოკალიზებულია, თუმცა არის ძლიერი დაკვამლიანება და ხანძრის ახალი კერების გაჩენის საშიშროება.



ამ წუთებში სახანძრო-სამაშველო სამსახურის თანამშრომლებმა შენობაში დარჩენილი ადამიანების ევაკუაცია დაასრულეს.

თვითმხილველების ინფორმაციით, ყველა მცხოვრები უკვე გამოყვანილია ხანძრის ზონიდან.

ამავე ცნობით, ერთ-ერთი იყო ქალი, რომელსაც ფეხი ამპუტირებული აქვს და მწოლიარე პირი.

ცნობისთვის, ზუგდიდში, ცოტა ხნის წინ, ე.წ. ფაიფურის დასახლებაში, ორსართულიან კორპუსში, რომელშიც რამდენიმე ოჯახი ცხოვრობს, ცეცხლი გაუჩნდა.

ადგილობრივების თქმით, ხანძარი პირველ სართულზე გაჩნდა და შემდეგ მოედო მეორე სართულს.

ხანძრის გამომწვევი მიზეზი ჯერჯერობით უცნობია.

ამავე თემაზე:

ზუგდიდში ხანძარია, იწვის ძველი ბაზრის შენობა