ირაკლი ქარსელაძემ რეგიონული განვითარებისა და ინფრასტრუქტურის მინისტრის თანამდებობა დატოვა. მას თბილისის საკრებულოს წევრი, სამგორის რაიონის მაჟორიტარი დეპუტატი რევაზ სოხაძე შეცვლის. ამის შესახებ ირაკლი კობახიძემ მთავრობის ადმინისტრაციაში გამართულ ბრიფინგზე განაცხადა.

მისივე თქმით, ქარსელაძემ თანამდებობის დატოვების თხოვნით გუშინ მიმართა.

„ირაკლი ქარსელაძემ მიიღო გადაწყვეტილება სახელმწიფო თანამდებობის დატოვების თაობაზე. შესაბამისი თხოვნით მან გუშინ მომმართა, რაზეც გვქონდა საუბარი. მინდა, პირველ რიგში, მადლობა გადავუხადო ირაკლი ქარსელაძეს, რომელიც წლების განმავლობაში დიდი წარმატებით ხელმძღვანელობდა რეგიონული განვითარებისა და ინფრასტრუქტურის სამინისტროს.

მინდა წარმოგიდგინოთ რევაზ სოხაძე რომელიც დაინიშნა მინისტრად. ის არის ჩვენი პოლიტიკური გუნდის სტაჟიანი წევრი, მას აქვს განათლება მიღებული თბილისის სახელმწიფო უნივერსიტეტში, ჯერ მედიცინის, შემდეგ ფინანსების სპეციალობით. ის წლების განმავლობაში მუშაობდა კერძო სექტორში მაღალ მენეჯერულ პოზიციებზე. 2017 წლიდან არის თბილისის საკრებულოს წევრი, სამგორის რაიონის მაჟორიტარი დეპუტატი და თბილისის საკრებულოს ურბანული განვითარების კომისიის თავმჯდომარე, მინდა რევაზ სოხაძეს ვუსურვო წარმატება მინისტრის პოზიციაზე“, - თქვა კობახიძემ.

ცნობისთვის, 2 აპრილს, ირაკლი კობახიძემ ბრიფინგზე მთავრობაში დაგეგმილ საკადრო ცვლილებებზე ისაუბრა. მან ასევე თქვა, რომ , საქართველოს რეგიონული განვითარებისა და ინფრასტრუქტურის სამინისტრო განცალკევდებოდა. რეგიონული განვითარების მინისტრის კანდიდატურაზე ის ლილუაშვილის წარდგენას აპირებდა, თუმცა მოგვიანებით თქვა, რომ „სამინისტროს საქმიანობის პრინციპებთან განსხვავებული მიდგომის“ გამო, აღნიშნულ თანამდებობაზე ლულუაშვილი აღარ დაინიშნებოდა.

ამავე თემაზე: 

ლილუაშვილი რეგიონული განვითარების მინისტრის თანამდებობას აღარ დაიკავებს - კობახიძე

სუს-ს ანრი ოხანაშვილი უხელმძღვანელებს, გრიგოლ ლილუაშვილი რეგიონული განვითარების მინისტრი, ხოლო პაატა სალია - იუსტიციის მინისტრი იქნება