რეგიონი
,,დაინახე ყველაფერი’’ - ნიკო დადიანის სასახლეში გიგი სიჭინავას ნახატების გამოფენა გაიხსნა
ზუგდიდში, ნიკო დადიანის სასახლეში გიგი სიჭინავას პერსონალური გამოფენა სახელწოდებით ,,დაინახე ყველაფერი“ გაიმართა.
მოწვეულ სტუმრებს შესაძლებლობა ჰქონდათ დაეთვალიერებინათ ახალგაზრდა ხელოვანის 80 - ზე მეტი, სხვადასხვა ჟანრში შესრულებული,  ნახატი.

გიგიმ სპეციალურად ამ დღისთვის შექმნა ეკატერინე ჭავჭავაძის პორტრეტი, რომელიც თავისი ავტოგრაფით საჩუქრად სასახლეს გადასცა.

მხატვარის დედა ნათია სახოკიას ამბობს, რომ აქ წარმოდგენილია გიგის ბოლო ოთხი - ხუთი წლის ნამუშევრები. მისი თქმით, ეს არის 13 წლის ბრძოლის და შრომის შედეგი.

,,აქ არის ოთხი - ხუთი წლის ნამუშევრები, 83 ექსპონანტი, გიგის სხვა ნამუშევრები ინახება მის სახელოსნოში, გიგი აგრძელებს მუშაობას ამ მიმართულებით და ბევრი სიახლე ექნება გზადაგზა. გიგის აქვს აუტიზმის მდგომარეობა, რაც ნამდვილად შეიძლება იყოს ერთ-ერთი მოტივატორი სხვა მშობლებისთვის. დავამატებ, რომ ეს არის 12-13 წლის ბრძოლის, შრომის შედეგი. გიგის აქვს განსაკუთრებული უნარი, შრომისოყვარეობის ნიჭი, სწორედ ამან განაპირობა დღევანდელი დღე’’, - გვითხრა ნათიამ.

გიგი სიჭინავა ქვეყანასა და მსოფლიოში მიმდინარე მოვლენებს აქტიურად აკვირდება და თავისი შემოქმედებით ეხმიანება. მან კორონავირუსის თემაზე ცნობილი ქართველი ეპიდემიოლოგები დახატა, უკრაინელი ქალის პორტრეტი კი ცოტა ხნის წინ შექმნა.

გიგი სიჭინავა აუტისტური სპექტრის აშლილობის მქონე ახალგაზრდაა, მას დღემდე 100 - ზე მეტი ფერწერული ტილო, 200 - მდე ილუსტრირებული ბარათი, ასევე, შექმნილი აქვს სხვადასხვა მასალისგან დამზადებული და გამოძერწილი ინოვაციური მანქანები. ახალგზარდა შემოქმედი სამი წელი თიბისი ბანკის სტიპენდიანტი იყო, 2018 წელს კი დოკუმენტურ ფილმშიც გადაიღეს.

გიგის ნამუშევრები საზოგადოების დიდმა ნაწილმა 2017 წელს მისი სახლოსნოს გახსნის დღეს გაიცნო. მხატვარს თბილისსა და ზუგდიდში უკვე ჰქონდა რამდენიმე პერსონალური გამოფენა.

10 აპრილის ჩათვლით, ნიკოსეულ სასახლეში ვიზიტორებს შესაძლებლობა აქვთ გიგის ნახატები დილის 11 საათიდან საღამოს 17 საათამდე დაათვალიერონ.


Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
ამავე კატეგორიაში
დღის სიახლეები
29 / მარტი 2024
დაცული ტერიტორიების სააგენტოს ინფორმაციით, 1-ელი აპრილიდან მარტვილის კანიონში სამუშაო საათები გახანგრძლივდება და 20:00-ის ნაცვლად, შესვლა 22:00-მდე იქნება შესაძლებელი.
29 / მარტი 2024
ზუგდიდის მუნიციპალიტეტის მერიამ აღდგომის დღესასწაულთან დაკავშირებით 51 040 ლარის ღირებულების ტენდერი გამოაცხადა.
28 / მარტი 2024
იმისათვის, რომ კლინიკური ფსიქოლოგიის ლიცენზირებულ მომავალს კიდევ ერთი ნაბიჯით მიახლოებოდა, ზუგდიდელმა დავით ქირიამ საბაკალავრო პროგრამის დასრულების შემდეგ, ფსიქოლოგიის სფეროში სტაჟირების რამდენიმე საფეხური გაიარა, რაშიც ევროკავშირის მიერ დაფინანსებული პროგრამები დაეხმარა.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 21 °C
img
სოხუმი 16 °C
img
ფოთი 17 °C
img
მესტია 3 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.