ვინ ჩამოვა აშშ-დან საქართველოს ახლად არჩეული პრეზიდენტის, გიორგი მარგველაშვილის იგაუგურაციაზე ხვალ გახდება ცნობილი. ამის შესახებ ჟურნალისტებთან დღეს გამართულ შეხვედრაზე საქართველოს საგარეო საქმეთა მინისტრმა მაია ფანჯიკიძემ განაცხადა. მისი თქმით, სწორედ ხვალ გახდება ცნობილი, თუ ვინ დაესწრება ინაუგურაციას აშშ-დან. ამასთან, ფანჯიკიძემ მხოლოდ ის აღნიშნა, რომ აღნიშნული პირი მაღალი დონის სტუმარი იქნება. რაც შეეხება იმ სტუმრებს, რომლებიც ინაუგურაციას დაესწრებიან, ფანჯიკიძის ინფორმაციით, ქართული მხარე 30 ქვეყნის დელეგაციას ელოდება. მათ - შორის ორი ან სამი ქვეყნის პრეზიდენტს, ასევე საქართველოში ჩამოვა მოლდოვას პრეზიდენტი, განიხილება ლიტვის პრეზიდენტის ჩამოსვლის საკითხიც. საქართველოს საგარეო საქმეთა მინისტრის ინფორმაციით, ინაუგურაციაზე ჩამოვლენ ასევე სხვადასხვა ქვეყის პარლამენტის თავმჯდომარეები, მთავრობის წევრები, ეკონომიკური გუნდის მინისტრები. ასევე, ქართული მხარე ელოდება იაპონიის საგარეო საქმეთა მინისტრიე მოადგილეს, ისრაელის პარლამენტის სპიკერს, ეუთო-ს გენმდივანს. მაია ფანჯიკიძის განცხადებით, სტუმრების ზუსტი რაოდენობა და ვინაობა ხვალ გახდება ცნობილი. რაც შეეხება რუსეთ, როგორც ფანჯიკიძემ აღნიშნა, რუსეთთან საქართველოს არ აქვთ დიპლომატიური ურთიერთობა და, შესაბამისად მოსაწვევიც რუსეთში არ გაგზავნილა. "ipn"