„სამეგრელოს ხმის“ ლიდერის თენგიზ ჯგუშიას ბრალდების საქმეზე სასამართლო პროცესი გრძელდება. ჯგუშიას საქმეზე დღეს, 24 დეკემბერს ზუგდიდის რაიონულ სასამართლოში ერთი მოწმე დაიკითხა. დღევანდელ სხდომაზე ბრალდების მხარის მიერ 2 მოწმე იყო წარმოდგენილი, თუმცა მხოლოდ ერთის დაკითხვა მოხერხდა. ზუგდიდის მუნიციპალიტეტის გამგეობის თანამშრომლის თაზო ფაცაციას ჯვარედინი დაკითხვა დაახლოებით საათ ნახევრის განმავლობაში მიმდინარეობდა. როგროც მოწმემ სასამართლოსთვის მიცემულ ჩვენებაში აღნიშნა 2013 წლის 8 აგვისტოს იგი გამგეობის სხვა წარმომადგენლებთან და პროკურატურის მიერ დაზარალებულად ცნობის მერაბ ქვარაიასთან ერთად ომში დაღუპული გმრის მოსახსენიებელ ტრაპეზზე, რიყეში იმყოფედოდა, სადაც ასევე იმყოფედოდა თენგიზ ჯგუშია. ფაცაციამ სასამართლოს განუმარტა, რომ სუფრაზე ხმაურის მაპროვოცირებელი ჯგუშია იყო, რომელმაც მერაბ ქავრაიას ფიზიკური შეურაცხყოფა მიაყენა. „მერაბმა გვთხოვა მივსულიყავით თენგიზ ჯგუშიას სახლში, რათა ეკითხა მისთვის თუ რატომ დაარტყა ხელი, ჩვენ გავყევით ჯგუშიას მანქანას, როცა გაჩერდა მანქანა ჩვენც გავჩერდით მერაბი გადმოვიდა ამ დროს ჯგუშიამ მისი მიმართულებით გაისროლა“-აღნიშნა ფაცაციამ და აქვე დასძინა, რომ ჯგუშიამ სავარაუდოდ მიზანმიმართულად ააცილა ტყვია ქვარაიას, რადგან მათ შორის საკმაოდ მცირე მანძილი იყო. თავის მხრივ თენგიზ ჯგუშია წაყენებულ ბრალს უარჰყოფს და თავს უდანაშაულოდ მიიჩნევს. მისი განმარტებით ქვარაიას მიმართულებით თავდაცვის მიზნით გაისროლა. ფიზიკური შეურაცყოფა კი ქვარაის მხრიდან მის მიმართ არაკორექტულ მიმართვას მოყვა. სასამართლო სხდომის დასაწყისში დაცვის მხარემ პროკურატურის აცილება მოითხოვა, მიზეზად კი პროკურატურის მიერ ამ საქმეში ნეგატიური მიკერძოების ფაქტები დაასახელა. მოსამართლემ დაცვის შუამდგომლობა აცილებასთან დაკავშირებით არ დააკმაყოფილა და განმარტა, რომ პროკურატურის აცილებას არც ერთი საპროცესო და სისხლის სამართლის კანონმდებლობა არ ითვალისწინებს.