ზუგდიდში საპატრულო პოლიციის თანამშრომლის გოგა ანჩაბაძის დაჭრაში ბრალდებული კონსტანტინე გულორდავას სასამართლო პროცესი 30 იანვრამდე გადაიდო. ამის მიზეზი ბრალდებულის ადვოკატის ჯიტა გულუას განმარტებით, საპროცესო შეთანხმებაა, რომლითაც პროკურატურას მათ უკვე მიმართეს. გულორდავას ადვოკატის შუამდგომლობას, პროცესის გადადებასთან დაკავშირებით, ბრალდებულის მხარეც დაეთანხმა. გულორდავას ბრალი 117-ე მუხლით აქვს წარდგენილი, რაც 3 დან 5 წლამდე სასჯელს ითვალისწინებს.   კოსტანტინე გულორდავას ოჯახის წევრები და ახლობლები, პროკურატურას მიმართავენ. ისინი საპროცესო შეთანხმებას ითხოვენ. წინააღმდეგ შემხვევაში, როგორც ისინი აცხადებენ, ფართომასშტაბიან აქციებს გამართავენ. კოსტანტინე გულორდავას საქმესთან დაკავშირებით, დღეს ზუგდიდის რაიონულ სასამართლოში 100-ზე მეტი ადამინი იყო მიისული. ცნობისთვის ზუგდიდში მოქალაქე კონსტანტინე გულორდავამ საპატრულო პოლიციის თანამშრომელს, გოგა ანჩაბაძეს ცემა, ყური მოაჭრა, საპატრულო პოლიციის ფორმა გახადა და ზუგდიდში ყოფილი პოლიტექნიკური კოლეჯის ეზოში დატოვა. გავრცელებული ინფორმაციით გულორდავამ ანჩაბაის მიერ მისი ცოლის გაუპატიურების მცდელობის გამო იძია შური. რაც შეეხება გოგა ანჩაბაძეს, მის წინააღმდეგ საქმე გაუპატიურების მუხლით არის აღძრული.