მესტიაში დაკარგულ პოლონელ ტურისტს ეძებენ
მესტიაში გვიან ღამით 24 წლის პოლონელი ტურისტი გოგონა დაიკარგა. შემთხვევა მაშინ მოხდა, როდესაც ის მეგობართან ერთად მდინარე ენგურზე გადასასვლელ გზას ეძებდა. ერთ-ერთი ვერსიით გოგონა შესაძლოა მთიდან ხევში, მდინარე ხერაშში გადავარდა.
მდინარე ხერაშში სამძებრო სამუშაოები დღეს დილიდან განახლდა, ამის შესახებ რადიო „ათინათს“ მესტიის გამგებელმა ილია ჯაფარიძემ განუცხადა. მისი თქმით, ადგილზე მობილიზებულია საგანგებო სიტუაციების მართვის სამსახურის თანამშრომლები, თუმცა გოგონას ძებნას ადიდებული მდინარე და ცუდი ხილვადობა უშლის ხელს. სამძებრო სამუშაოებს წვიმიანი ამინდიც ართულებს.
მომხდართან დაკავშირებით აღძრულია სისხლის სამართლის საქმე.
მასალის გამოყენების პირობები